- 2018-07-20 04:45:00
- ជីវិតតារា
ទៀតហើយ! Miley Cyrus និង Liam Hemsworth កំពុងតែត្រូវគេសង្ស័យថាចែកផ្លូវគ្នា
- 2018-07-20 04:45:00
- ចំនួនមតិ 0 | ចំនួនចែករំលែក 0
ទៀតហើយ! Miley Cyrus និង Liam Hemsworth កំពុងតែត្រូវគេសង្ស័យថាចែកផ្លូវគ្នា
ចន្លោះមិនឃើញ
កាលពីថ្ងៃទី ១៩ម្សិលមិញនេះ សារព័ត៌មានជាច្រើនបានចុះផ្សាយថា គូស្នេហ៍មួយគូនេះបានចែកផ្លូវគ្នាហើយ ដោយសារតែមិនយល់ស្របគ្នាពីគម្រោងរៀបការនិងយកកូន។ ព័ត៌មាននេះបានលេចឮដំបូងគេពី OK! Australia បន្ទាប់មកក៏សាយភាយទៅដល់សារព័ត៌មានផ្សេងៗទៀតដូចជា Daily Star, The Daily Mail, The Sun, Mirror និង Elle ជាដើម ជាបន្តបន្ទាប់។
បើយោងទៅតាមពាក្យចចាមអារ៉ាម Miley សម្រេចចិត្តលុបចោលការរៀបការនិងចែកផ្លូវជាមួយ Lima Hemsworth។ នេះដោយសារតែមានប្រភពមួយបានបញ្ជាក់ថា "Miley បានសម្រេចចិត្តលុបចោលការរៀបការ ហើយ Liam ក៏ហត់នឿយនិងរឿងនេះ ដោយសារតែរយៈពេលប៉ុន្មានខែចុងក្រោយនេះ ពួកគេមិនសូវជាចុះសម្រុងគ្នាប៉ុន្មានទេ។ Miley មិនចង់រៀបការទេ ហើយនេះជាអ្វីដែលមនុស្សជាច្រើនព្យាយាមរំឭក Liam កុំឲ្យសង្ឃឹមលើ Miley ខ្លាំងពេក ឥឡូវនេះលោកមានអារម្មណ៍ថាខ្លួនដូចជាមនុស្សល្ងង់"។
កាលពីសប្ដាហ៍មុន Miley ស្រាប់តែលុបចោលអ្វីទាំងអស់នៅលើបណ្ដាញសង្គម Instagram របស់នាង ដែលមានអ្នក Follow ដល់ទៅជិត៨០លាននាក់។ មនុស្សជាច្រើនគិតថា នេះដោយសារតែ តារារូបនេះជិតបញ្ចេញអាល់ប៊ុមថ្មី ប៉ុន្តែអ្នកខ្លះក៏កត់សម្គាល់ថានាងប្រហែលជាមិនសប្បាយចិត្តដោយសាររឿងអ្វីមួយ។
អ្នកទាំងពីរបានចាប់ផ្ដើមទាក់ទងគ្នាកាលពីឆ្នាំ ២០០៩ ហើយក៏បែកបាក់ម្ដងទៅហើយកាលពីឆ្នាំ ២០១៣ និងត្រូវគ្នាវិញនៅឆ្នាំ ២០១៦ ដល់ថ្នាក់ Miley សរសេរបទ "Malibu” សម្រាប់អនុស្សាវរីយ៍របស់ពូកគេ។ សម្រាប់ពេលនេះតារាទាំងពីររូបមិនទាន់មាន ប្រតិកម្មអ្វីជុំវិញពាក្យចចាមអារ៉ាមនេះនៅឡើយ៕
