- 2018-07-31 03:26:03
- ជីវិតតារា
ចាកឆ្ងាយស្រុកកំណើតជាង១០ឆ្នាំ ស្រីម៉ុច មានបំណងប្រាថ្នាធំមួយ
- 2018-07-31 03:26:03
- ចំនួនមតិ 0 | ចំនួនចែករំលែក 0
ចាកឆ្ងាយស្រុកកំណើតជាង១០ឆ្នាំ ស្រីម៉ុច មានបំណងប្រាថ្នាធំមួយ
ចន្លោះមិនឃើញ
អស់រយៈ ពេលមិនតិចជាង១០ឆ្នាំទេ ដែលអតីតតារាសម្ដែងសិចស៊ី អ្នកនាង សុខ ស្រីម៉ុច បានចាកឆ្ងាយពីប្រទេសកំណើតទៅកសាងជីវិតគ្រួសារជាមួយស្វាមីនៅប្រទេសសឹង្ហបុរី។ ទោះជាយ៉ាងណា តារាអាយុ៣៨ឆ្នាំរូបនេះ នៅតែអាល័យភូមិស្រុករបស់ខ្លួន និងប្រាប់ថា ចង់មករស់នៅស្រុកខ្មែរ។
តារាម៉ូដែលដែលទស្សនិកជនបានដាក់រហស្សនាមថា "ជីដូនកាកី" បន្តថា ទោះរស់នៅក្នុងប្រទេសស៊ីវីល័យជឿនលឿនយ៉ាងណា ក៏អ្នកនាង នៅតែនឹកអនុស្សាវរីយ៍គ្រប់យ៉ាងនៅស្រុកខ្មែរដែរ។ ចំពោះស្វាមីរបស់តារាថ្ពាល់ខួចសម្តីផ្អែម មិនបានហាមឃាត់បំណងប្រាថ្នានេះទេ គឺតាមចិត្តភរិយា។
“ទៅថ្ងៃអនាគត បងនឹងមករស់នៅស្រុកខ្មែរវិញ ប៉ុន្តែចាំឲ្យកូនធំៗជាងនេះបន្តិចសិន ទើបអាចត្រលប់មកវិញបាន" នេះបើតាមការបញ្ជាក់ពី អ្នកនាង ស្រីម៉ុច។ ពេលនេះកូនច្បងរបស់អ្នកនាង មានអាយុ១៣ឆ្នាំ កំពុងសិក្សានៅប្រទេសសឹង្ហបុរី ហើយការវិលត្រលប់មករស់នៅទីក្រុងភ្នំពេញ ដែលជាទីកន្លែងកំណើត គឺនៅពេលកូនៗធំ រៀនចប់ថ្នាក់មហាវិទ្យាល័យ អាចមើលថែខ្លួនឯងបានបានសិន ព្រោះបច្ចុប្បន្នកូនទាំងបី របស់តារាពូកែភាសាអង់គ្លេសរូបនេះ នៅតូចៗនៅឡើយ។
កូនពៅក្នុងចំណោមបងប្អូន ៥នាក់រូបនេះ និយាយថា ក្នុងនាមជាប្រពន្ធ និងម្ដាយគេទៅហើយ ម្យ៉ាងទៀត នៅសឹង្ហបុរី អ្នកនាងក៏មានផ្ទះ និងមុខរបររកស៊ី រីឯនៅកម្ពុជាក៏មានផ្ទះ ម្ល៉ោះហើយរឹតតែមិនអាចចោលខាងណាបានភ្លាមៗនោះទេ។ អ្នកនាង ស្រីម៉ុច បានរៀបការជាមួយបុរសជនជាតិសឹង្ហបុរី ជាអ្នកមានជំនួញម្នាក់នៅឆ្នាំ២០០៤ ដោយអ្នកនាងសុខចិត្តលាឈប់ពីអាជីពសិល្បៈ ទៅរស់នៅតាមស្វាមី និងមានកូនប្រុសស្រីចំនួន៣នាក់ យ៉ាងមានសុភមង្គល៕
