- 2018-08-02 08:09:35
- ជីវិតតារា
ក្តុកក្តួល បើដឹងពីបំណងប្រាថ្នាកវីជើងចាស់ អ៊ំ ដរ៉ា ខណៈខ្លួនឈឺដើរមិនរួច
- 2018-08-02 08:09:35
- ចំនួនមតិ 0 | ចំនួនចែករំលែក 0
ក្តុកក្តួល បើដឹងពីបំណងប្រាថ្នាកវីជើងចាស់ អ៊ំ ដរ៉ា ខណៈខ្លួនឈឺដើរមិនរួច
ចន្លោះមិនឃើញ
សម្រាកលើកន្ទេលក្រហម មានថ្នាំខ្មែរប៉ាតយ៉ាងស្អេកស្កះពីចង្កេះដល់កំភួនជើង កវីនិពន្ធបទភ្លេង ទំនុកច្រៀង និងជាតន្រ្តីករ ផ្នែកវីយូឡុងដ៏ឆ្នើម លោក អ៊ំ ដរ៉ា ធ្វើឲ្យអ្នកបានឃើញហើយ សង្វេគគ្រប់គ្នា។ បើទោះជាមានភាពល្បីល្បាញខ្លាំងកាលពីទស្សវត្សរ៍៦០ ដោយធ្លាប់តែងនិពន្ធជូនតារាល្បីៗដូចជា លោក ស៊ិន ស៊ីសាមុត អ្នកស្រី រស់ សេរីសុទ្ធា លោក មាស ហុកសេង ជាដើម ព្រមទាំងបន្សល់បទចម្រៀងយ៉ាងច្រើន តែមានមនុស្សតិចណាស់នាពេលបច្ចុប្បន្នបានស្គាល់លោក។
ក្នុងសម្តីខ្សាវៗ ទោះលោកធ្លាក់ខ្លួនឈឺ ស្ទើរតែគ្មានសង្ឃឹមថា អាចក្រោកដើរបានដូចមុនយ៉ាងណាក្ដី តែលោកនៅដិតដាមជាមួយសិល្បៈ មិនសាបសូន្យ ដោយចង់បន្តការលេង វីយូឡុង ឲ្យទស្សនិកជន បានស្ដាប់ដូចគ្រាមុន។ អតីតកាលនៃភាពល្បីល្បាញគ្រានោះ មិនបានធ្វើឲ្យលោកមានប្រាក់សល់អ្វីជាដុំកំភួនឡើយ ព្រោះបច្ចុប្បន្នលោកមានជំងឺ ប៉ុន្តែបែរជាគ្មានប្រាក់ព្យាបាល ។ លោក សង្ឃឹមថា មានសប្បុរសជន ជួយយកអាសាលើការព្យាបាល ដែលកូនស្រីលោក ប្រាប់ថា ត្រូវចំណាយប្រាក់ ជាងពីរពាន់ដុល្លារ សម្រាប់ព្យាបាលជាមួយគ្រូខ្មែរ។
បើតាមកូនស្រីរបស់លោក គឺកញ្ញា អ៊ំ សំថារ័ត្ន រៀបរាប់ថា ឪពុករបស់ខ្លួនមិនសូវមានការចងចាំបានល្អប៉ុន្មាននោះទេ បន្ទាប់ពីមានជំងឺ រហូតពេទ្យជាច្រើនមិនហ៊ានទទួលព្យាបាល។ គ្រោះថ្នាក់ចរាចរណ៍ច្រើនដងផង និងធ្លាក់ពីលើគ្រែទៀតនោះ បានធ្វើឲ្យលោក ដរ៉ា ប្រេះឆ្អឹងត្រគាក មិនអាចដើរ និងសូម្បីក្រោកឈរដោយខ្លួនឯង។
ក្រៅពីបំណងចង់លេងវីយូឡុងដូចមុន លោក ដរ៉ា បានបង្ហើបថា លោកចង់ទៅលេងកម្សាន្តនៅខេត្តកែប ហើយក្ដីប្រាថ្នាមួយនេះ ធ្វើឲ្យក្រុមគ្រួសារលោកទាំងអស់ក្ដុកក្ដួលយ៉ាងខ្លាំង ព្រោះមិនធ្លាប់ឮលោកនិយាយម្ដងណាទាល់តែសោះ ពីរឿងនេះ៕
ទស្សនាវីដេអូបង្ហាញពីបំណងប្រាថ្នា និងស្ថានភាពជំងឺកវី អ៊ុំ ដរ៉ា ខាងក្រោមនេះ៖
