- 2018-08-05 05:22:17
- ជីវិតតារា
មិននឹកស្មាន ឆ័យលី ដាឡែន មានកូនធម៌ពេញក្រមុំស្ដូក កំពុងសាងកេរ្តិ៍ឈ្មោះក្នុងសិល្បៈ
- 2018-08-05 05:22:17
- ចំនួនមតិ 0 | ចំនួនចែករំលែក 0
មិននឹកស្មាន ឆ័យលី ដាឡែន មានកូនធម៌ពេញក្រមុំស្ដូក កំពុងសាងកេរ្តិ៍ឈ្មោះក្នុងសិល្បៈ
ចន្លោះមិនឃើញ
ជារឿងមួយគួរឲ្យភ្ញាក់ផ្អើលដែលតារាចម្រៀង និងសម្ដែង ឆ័យលី ដាឡែន បង្ហាញមុខកូនស្រីធម៌ពេញក្រមុំស្ដូកក្នុង ពិធីជប់លៀងបញ្ចប់ការថតខ្សែភាពយន្តភាគខ្មែររឿង "ជញ្ជីងជីវិត" របស់ទូរទស្សន៍ប៉ុស្តិ៍លេខ៥ កាលពីយប់មិញនៅទន្លេបាសាក់២ ក្បាលថ្នល់។
កាន់ចាប់អារម្មណ៍ជាងនេះទៅទៀតនោះកូនស្រីធម៌ ឆ័យលី ដាឡែន កំពុងតែសាងភាពល្បីល្បាញខ្លាំងក្នុងសិល្បៈតាមរយៈការសម្ដែងខ្សែភាពយន្តភាគ និងខ្នាតធំជាច្រើនរឿងគឺកញ្ញា ប៉ុប រចនា។ មូលហេតុអ្នកទាំងពីរសម្រេចយកគ្នាធ្វើជាកូន និងម្ដាយធម៌ដោយសារតែការនិយាយលេងចុះស៊ីចង្វាក់គ្នាបានល្អ បូកផ្សំភាពស្និទ្ធក្រោយពីថតរឿងជាមួយគ្នាផង។
ឆ័យ លីដាឡែន ថា៖" ខ្ញុំយកគាត់ធ្វើជាកូនធម៌ហ្នឹងបានជាង ១ឆ្នាំហើយក្នុងទូរស័ព្ទគាត់បានបានដាក់ឈ្មោះខ្ញុំជាម្ដាយទី២ ហើយដាក់ម៉ាក់គាត់អ្នកម្ដាយទី១។ មូលហេតុដែលខ្ញុំជ្រើសរើសយកគាត់ជាកូនធម៌ដោយសារតែ រចនា គឺជាក្មេងដែលមានអត្តចរិតល្អ តែងតែស្ដាប់ពាក្យខ្ញុំណែនាំ"។
រីឯស្រីស្អាត ប៉ុប រចនា វិញឲ្យដឹងថា ចាប់តាំងពីរាប់អានរៀមច្បងសិល្បៈរូបនេះធ្វើជាម្ដាយធម៌មកមិនដែលឈ្លោះទាស់ទែងគ្នាឡើយ។ គ្រាន់តែថាពេលខ្លះអន់ចិត្តបន្តិចបន្តួចពេលជេរស្ដីប្រដៅ តែមិនដល់ថ្នាក់អត់និយាយរកគ្នានោះទេ។ បើនិយាយពីអាយុវិញ ឆ័យលី ដាឡែន អាចធ្វើម្ដាយនាង បាន។
“គាត់អាយុជិត ៤០ឆ្នាំហើយបងបើនិយាយទៅ គាត់អាចបង្កើតខ្ញុំបានហើយព្រោះពេលនេះខ្ញុំអាយុទើបតែ១៩ឆ្នាំ"។ រចនា បន្ថែម។
គួររម្លឹកថា ពិធីជប់លៀងបញ្ចប់ការថតខ្សែភាពយន្តភាគខ្មែររឿង "ជញ្ជីងជីវិត"នេះនឹងដាក់បញ្ចាំងនៅទូរទស្សន៍ប៉ុស្ដិ៍លេខ៥ ក្នុងពេលឆាប់ៗនេះហើយ៕
