- 2018-09-17 04:25:24
- ជីវិតតារា
មិនបានប៉ះគ្នា២ឆ្នាំ ខៀវ សានសាណា ពោលនឹកតាប៊ុយ
- 2018-09-17 04:25:24
- ចំនួនមតិ 0 | ចំនួនចែករំលែក 0
មិនបានប៉ះគ្នា២ឆ្នាំ ខៀវ សានសាណា ពោលនឹកតាប៊ុយ
ចន្លោះមិនឃើញ
ពិធីការិនីចាស់វស្សា ខៀវ សានសាណា ពោលពាក្យនឹកដល់ តាប៊ុយ ក្រោយពីអាក់ខានមិនបានប៉ះគ្នា២ឆ្នាំក្នុងកម្មវិធីពេញ"ពេញចិត្តឬអត់?" ដោយប្ដូរ សុភ័ក្រ្ដ កុសុមា មកជំនួសខណៈក្រុមហ៊ុនឲ្យនាង ទៅកាន់កម្មវិធីផ្សេង។
ខៀវ សានសាណា ថា ក្រោយពីអវត្តមានក្នុងកម្មវិធីខាងលើជាមួយ តាប៊ុយ រួចមកមានហ្វេនៗជាច្រើនបានឆាតមកសួរនាំថា ចង់ស្ដាប់សំឡេងសើចឮៗរបស់នាងទៀត ហេតុអ្វីបានជាឈប់ពីកម្មវិធី"ពេញចិត្តឬអត់?" ដោយគ្មានជម្រាបដំណឹងដល់ពួកគេជាមុនសូម្បីតែបន្តិច។
ជាមួយគ្នានេះដែរនាង៖“ពេលឃើញប្អូនគាត់សួរនាំអ៊ីចឹងធ្វើឲ្យបងនឹកដល់ តាប៊ុយ ដែលជាដៃគូសើចឮៗដូចគ្នា តែមេគាត់ឲ្យបងមកកាន់កម្មវិធីផ្សេង។ ណាមួយឥឡូវបងមានកម្មវិធីផ្សេងច្រើន ហើយគាត់ក៏ជាប់រវល់ដូចគ្នា អ៊ីចឹងហើយទើបពួកយើងទាំងពីរអត់បានជួបគ្នា"។
ទោះបីជា ខៀវ សានសាណា ធ្លាប់សាងកេរ្តិ៍ល្បីរន្ទឺក្នុងកម្មវិធីខាងលើនាពេលកន្លងមកក្ដី តែនាង មិនដែលមានកូនចិត្តចង់ត្រឡប់ទៅកាន់កម្មវិធីមួយដដែលនេះឡើយ។ ដោយសារតែគិតថាកម្មវិធី "ពេញចិត្តឬអត់?” នៅតែទទួលបានការគាំទ្រពីទស្សនិកជនដដែល ក្រោមវត្តមាន តាប៊ុយ និង សុភ័ក្រ្ដ កុសុមា ចាប់ដៃគ្នាជាពិធីករ និងពិធីការិនី៕
