- 2018-09-18 08:16:44
- ស្ទីលតារា
យុគ ចិន្ដា មានបំណងកែកុនកន្លែងមួយលើផ្ទៃមុខដោយមិនញញើត នៅវ័យ៥០ឆ្នាំ
- 2018-09-18 08:16:44
- ចំនួនមតិ 0 | ចំនួនចែករំលែក 0
យុគ ចិន្ដា មានបំណងកែកុនកន្លែងមួយលើផ្ទៃមុខដោយមិនញញើត នៅវ័យ៥០ឆ្នាំ
ចន្លោះមិនឃើញ
វ័យកាន់ជ្រេ អ្នកនាង យុគ ចិន្ដា ប្រាប់ថា ខ្លួនមានបំណងកែកុន ដោយការកែសម្ផស្ស ដើម្បីកុំឲ្យពេលចាស់ទៅ ស្បែកយារធ្លាក់ មិនស្អាត។ ទោះជាការកែសម្ផស្សស្ដាប់ទៅ ពេលខ្លះគួរឲ្យខ្លាច តែម្ដាយនាងតូចអម មិនខ្លាចញញើតនោះឡើយ។
អ្នកនាងថា នៅពេលឈានចូលវ័យ៥០ឆ្នាំ នឹងពិចារណាវះកាត់ត្របកភ្នែក ព្រោះពេលចាស់ទៅ ស្បែកនៅត្រង់ភ្នែកត្រូវយារធ្លាក់ ហើយលើសពីនេះ ស្បែកមុខក៏ជ្រីវជ្រួញប្រែប្រួលតាមអាយុដែរ។ ដូច្នេះ អ្នកនាងអាចនឹងកែខ្លះៗលើផ្ទៃមុខ ដើម្បីកាត់សាច់ដែលយារធ្លាក់ចេញ។ ទោះយ៉ាងណា ក្នុងវ័យ៤២ឆ្នាំនេះ ម្ចាស់ភោជនីយដ្ឋាន ស្លឹកឈូក អះអាងថា មិនធ្លាប់ឆ្លងកាត់មុខកាំបិតលើផ្ទៃមុខម្តងណាទាល់តែសោះ។
ចំពោះភាពស្រស់ស្អាត អ្នកនាងនិយាយថា បានមកពីធម្មជាតិ បូករួមទាំងការចេះរបៀបថែទាំផងដែរ ដោយការទទួលទានអាហារមានគុណប្រយោជន៍ដល់សុខភាព និងសម្រស់។ បន្ថែមពីនេះ ពេលតុបតែងមុខដោយក្រែម ម្សៅ អ្នកនាង តែងលាងសម្អាតឲ្យស្អាតមុនពេលចូលគេង ព្រមទាំងសម្រាកឲ្យបានគ្រប់គ្រាន់ និងចេះរកភាពសប្បាយរីករាយដាក់ខ្លួន៕
