- 2019-09-09 03:03:32
- ស្ទីលតារា
មោទកភាព ជំទាវ ទៀ សីហា បង្ហាញម៉ូដខ្មែរច្នៃពីផលិតផលខ្មែរ ស្នាដៃកូនខ្មែរ នៅមុខប្រាសាទខ្មែរ
- 2019-09-09 03:03:32
- ចំនួនមតិ 0 | ចំនួនចែករំលែក 0
មោទកភាព ជំទាវ ទៀ សីហា បង្ហាញម៉ូដខ្មែរច្នៃពីផលិតផលខ្មែរ ស្នាដៃកូនខ្មែរ នៅមុខប្រាសាទខ្មែរ
ចន្លោះមិនឃើញ
លោកជំទាវ ទាង អៀង ទៀ សីហា ភរិយារបស់ឯកឧត្ដម ទៀ សីហា អភិបាលខេត្តសៀមរាប ត្រូវបានចាប់អារម្មណ៍ខ្លាំងតាមរយៈរូបសម្ផស្សដ៏ស្រស់ផូរផង់ រួមទាំងកិរិយាមារយាទទន់ភ្លន់ថ្លៃថ្នូរ។ ជាងនេះទៅទៀត លោកជំទាវក៏ទទួលបានការគាំទ្រខ្លាំងថែមទៀត តាមរយៈចំណូលចិត្តប្រើប្រាស់របស់ច្នៃពីធនធានធម្មជាតិរបស់ខ្មែរ។
នៅមុននេះមិនយូរប៉ុន្មាន លោកជំទាវ ត្រូវបានគេកោតសរសើរ ក្រោយពីគេឃើញលោកជំទាវកាន់កាបូបដៃច្នៃពីកំប្លោកជំនួសឲ្យការប្រើប្រាស់កាបូប Brand មានតម្លៃថ្លៃមកពីបរទេស។ ឥឡូវនៅថ្ងៃនេះទៀត លោកជំទាវបានកាន់កាបូបច្នៃពីកំប្លោកនេះទៅបង្ហាញម៉ូដនៅមុខប្រសាទខ្មែរថែមទៀត។ លោកជំទាវឲ្យដឹងថា កាបូបនេះ គឺច្នៃដោយកូនខ្មែរសុទ្ធសាធ ដែលលោកជំទាវចង់ផ្សព្វផ្សាយពីអ្វីទាំងអស់ដែលខ្មែរមាន។
"ខ្ញុំក៏ចង់បង្ហាញពីរចនាកាបូបកំប្លោកដែលជាស្នាដៃច្នៃប្រឌិតឡើងរបស់កូនខ្មែរ ជាពិសេសគឺសំពត់ហូលសារបាប់(ចរបាប់)ដែលចងក្នុងទម្រង់អប្សរាខ្មែរជំនាន់ដើម"។ លោកជំទាវបន្ថែមថា របស់ខ្មែរទាំងនេះ បងប្អូនអាចរកឃើញនៅតាមប្រាសាទនានា ដូចជាប្រាសាទព្រះខ័ន ឬក៏ប្រាសាទផ្សេងទៀត ដែលគេឃើញមានឆ្លាក់នៅតាមក្លោងទ្វារចូលនានា និងនៅតាមសសរតាមថែវខាងក្នុង និងនៅជាន់ខាងលើជាដើម។
ការបង្ហាញម៉ូដពីផលិតផលខ្មែរនេះ ជំទាវ ទៀ សីហា បានជ្រើសរើសទីតាំងសម្រាប់ការបង្ហាញតំបន់ប្រាសាទព្រះខ័ន។ ប្រាសាទនេះ តាមការអះអាងរបស់លោកជំទាវនៅក្នុងសំណេរលើទំព័រហ្វេសប៊ុកផ្ទាល់ខ្លួន គឺត្រូវបានកសាងឡើងនៅ គ.ស ១១៩១ ដោយព្រះបាទជ័យវរ្ម័នទី៧។ គោលបំណង គឺដើម្បីឧទ្ទិសថ្វាយ ព្រះពោធិសត្វលោកេស្វរៈ ក្នុងរចនាបថបាយ័ន។
តោះ...ឥឡូវទស្សនា ដើម្បីលើកទឹកចិត្តលោកជំទាវទាំងអស់គ្នា!!!
