- 2020-03-03 09:32:58
- ជីវិតតារា
អាចទៅរួចទេ...នាយ ក្រឹប ត្រៀមបង្កើតក្រុមកំប្លែងអាជីព!
- 2020-03-03 09:32:58
- ចំនួនមតិ 0 | ចំនួនចែករំលែក 0
អាចទៅរួចទេ...នាយ ក្រឹប ត្រៀមបង្កើតក្រុមកំប្លែងអាជីព!
ចន្លោះមិនឃើញ
តារាសម្ដែងមាឌតូចល្អិត តែបានវោហារ គឺ នាយ ក្រឹប ចង់វិវត្តន៍ខ្លួនពីតារាសម្ដែងទៅជាតារាកំប្លែងដោយបង្កើតក្រុមកំប្លែងអាជីពប្រចាំនៅស្ថានីយទូរទស្សន៍ណាមួយនាថ្ងៃអនាគត នៅគ្រាដែលលោកកំពុងស្វះស្វែងរកឱកាសដើម្បីសម្រេចនូវគោលបំណងមួយនេះ។
នាយ ក្រឹប និយាយថា រូបលោកមានសមត្ថភាពដើរតួបែបកំប្លែង ឬជាឪពុកគេតាមអ្នកដឹកនាំរឿងតម្រូវ ប៉ុន្តែអារម្មណ៍ពិតរបស់លោក គឺចង់ឲ្យក្រុមកំប្លែងរបស់លោកដែលមានគ្នាជិត១០នាក់ មានលំនឹងខាងការសម្ដែង ដើម្បីទទួលបានចំណូលទៀងទាត់សម្រាប់ផ្គង់ផ្គង់ជីវភាព។
ក្រុមកំប្លែងនាយ ក្រឹប ធ្លាប់សំដែងនៅស្ថានីយទូរទស្សន៍អាស៊ីអាគ្នេយ៍ និងលើឆាកប្រគំតន្ត្រីតាមខេត្តជាច្រើនដង ប៉ុន្តែក្រុមកំប្លែងនេះពុំមានកុងត្រាផ្ដាច់មុខឲ្យស្ថានីយ ឬក្រុមតន្ត្រីណាមួយឡើយ។ សព្វថ្ងៃសមាជិក នៃក្រុមកំប្លែងរបស់លោក កំពុងរស់នៅរាយប៉ាយនៅឡើយ ព្រោះតែពួកគេពុំមានការសម្ដែងជាប់លាប់ជុំគ្នានៅក្នុងកម្មវិធីផ្សេងៗ។ លើកលែងតែនាយ ក្រឹប ម្នាក់គត់ដែលមានភាពមមាញឹកក្នុងការថតភាពយន្ដ។
នាយ ក្រឹប៖" តាមពិតទៅ...កំប្លែងមានគន្លឹះធ្វើឲ្យគេសើចតែបន្តិចៗទេ ហើយខ្ញុំក៏ធ្លាប់លេងកំប្លែងច្រើនដងជាមួយក្រុមបងពាក់មីដែរ។ តាមរយៈដែលក្រុមខ្ញុំធ្លាប់ធ្វើកន្លងមក ខ្ញុំគិតថាខ្ញុំអាចធ្វើបានឲ្យតែមានឱកាសថាទូរទស្សន៍ណាមួយឲ្យភ្លើងខៀវមក ខ្ញុំនឹងចាប់ផ្ដើមធ្វើភ្លាម"។
រូបភាព៖ ហ្វេសប៊ុក
នាយ ក្រឹប ដែលពេលនេះមានវ័យ៣៥ឆ្នាំ បានប្រឡូកក្នុងវិស័យសិល្បៈ ជាពិសេសក្នុងសកម្មភាពថតភាពយន្តតាំងពីឆ្នាំ២០០៨។ រឿងដែលលោកពេញចិត្ដជាងគេក្នុងចំណោម៣០រឿងដែលលោកបានថត គឺរឿង"អាបពាក់មួកសុវត្ថិភាព"របស់ផលិតកម្ម អិល ឌី។ រូបលោកក៏ចាប់ផ្ដើមមានមុខមានមាត់ និងទទួលបានការគាំច្រើនពីទស្សនិកជនតាមរយៈខ្សែភាពយន្តមួយនេះដែរ៕
