- 2020-04-01 05:27:36
- ជីវិតតារា
ថ្មីៗនេះលេចវត្តមាន តារាម៉ូដែលខ្មែរកាត់ឥណ្ឌាម្នាក់ មានសម្រស់ទាក់ទាញខ្លាំង មើលហើយមិនចង់ដកភ្នែក
- 2020-04-01 05:27:36
- ចំនួនមតិ 0 | ចំនួនចែករំលែក 0
ថ្មីៗនេះលេចវត្តមាន តារាម៉ូដែលខ្មែរកាត់ឥណ្ឌាម្នាក់ មានសម្រស់ទាក់ទាញខ្លាំង មើលហើយមិនចង់ដកភ្នែក
ចន្លោះមិនឃើញ
ថ្មីៗនេះមានការប្រទះឃើញវត្តមានរបស់តារាម៉ូដែលវ័យក្មេងម្នាក់ដែលមានសម្រស់ស្រស់ស្អាត និងទាក់ទាញខ្លាំង ដែលតាមការសាកសួរ នាងទើបតែហក់ចូលប្រឡូកដំបូងប៉ុណ្ណោះនៅក្នុងវិស័យបង្ហាញម៉ូដរបស់កម្ពុជា។
តារាម៉ូដែលរូបនេះ មានឈ្មោះថា Usha នាងជាកូនកាត់ ខ្មែរ-ឥណ្ឌា ដោយក្នុងនោះម្ដាយជាជនជាតិខ្មែរ ហើយឪពុកជាជនជាតិឥណ្ឌា។ នាងកើតនៅខេត្តបាត់ដំបង ប៉ុន្តែ Usha បានតាមឪពុកម្ដាយដែលជាមន្ត្រីអង្គការក្រៅរដ្ឋាភិបាលទៅរស់នៅបរទេសជាច្រើនឆ្នាំ ក្នុងនោះនាងបានចំណាយពេលវេលាកុមារភាពរបស់នាងច្រើនបំផុតនៅក្នុងទ្វីបអាហ្វ្រិក នៅប្រទេស អេរីទ្រា និងសូដង់។
Usha បានវិលមកកម្ពុជាវិញនៅក្នុងឆ្នាំ ២០១០ ហើយនៅឆ្នាំ ២០១៨-២០១៩ បានទៅបន្តការសិក្សានៅ បឹងហ្គាឡូ ក្នុងប្រទេសឥណ្ឌា និងចុងក្រោយបានផ្លាស់ប្ដូរទៅសិក្សាបន្តនៅក្នុងប្រទេសចិនរហូតដល់សព្វថ្ងៃ។ ការសិក្សានៅចិនរបស់នាង បានឈានដល់វិស្សមកាល ហើយនាងក៏បានវិលត្រឡប់មកលេងស្រុកកំណើតនាប្រទេសកម្ពុជាយើង ហើយក៏បានសម្រេចចិត្តចូលប្រឡូកក្នុងសិល្បៈបង្ហាញម៉ូដដោយធ្វើជាតារាម៉ូដែលក្នុងក្រុម Perfect 10 ទើបបានប៉ុន្មានខែ។
នោះជាមូលហេតុដែលខែមុននាង បានលេចមុខក្នុងកម្មវិធីជួបជុំបុគ្គលសំខាន់ៗក្នុងវិស័យដើរម៉ូដនៅកម្ពុជា ជាវេលាដែលនាងទទួលបានការចាប់អារម្មណ៍យ៉ាងច្រើនអំពីរូបសម្រស់របស់នាង។ ម៉ូដែលវ័យ ១៦ ឆ្នាំរូបនេះ បញ្ជាក់ថា ការបោះជំហានចូលក្នុងវិស័យដើរម៉ូដ គឺដើម្បីស្វែងរកចំណុចវិជ្ជមានផ្សេងទៀតសម្រាប់ខ្លួនឯង ក្នុងនោះ គឺពង្រឹងនូវភាពជឿជាក់លើខ្លួនឯង។
Usha បន្ថែមថា៖ “ក្រៅពីនេះ ខ្ញុំក៏សង្ឃឹមដែរថា វានឹងជាកន្លែងដែលខ្ញុំអាចជួយអ្នកដទៃ តាមរយៈការចែករំលែកទស្សនៈ លើបញ្ហាផ្សេងៗដែលយើងទាំងអស់គ្នាជួបប្រទះ ដូចជាបញ្ហាពាក់ព័ន្ធនឹងរូបរាងកាយ និងសុខភាពផ្លូវចិត្តជាដើម”។ តារាម៉ូដែលស្រស់ស្អាត បញ្ជាក់ថា នាងត្រៀមនឹងបន្តការសិក្សារបស់នាងនៅប្រទេសចិនវិញនាពេលខាងមុខ ដោយក្នុងនោះតាមគម្រោងនាងនឹងបញ្ចប់ការសិក្សានៅរង្វង់២ឆ្នាំខាងមុខ ពោលគឺឆ្នាំ ២០២០។
ប៉ុន្តែមុនវេលានោះមកដល់ គឺនាងនឹងឆ្លៀតពេលវិស្សមកាលរបស់នាង បន្តការងារជាតារាម៉ូដែលរបស់កម្ពុជាតាមរយៈ Perfect 10 ហើយនោះជាអ្វីដែលនាងស្រឡាញ់ និងពេញចិត្ត។ Usha បញ្ជាក់ថា ក្រោយចូលប្រឡូកក្នុងវិស័យដើរម៉ូដ តាមរយៈក្រុមម៉ូដែលរបស់នាងខាងលើ គឺនាងបានជួបជាមួយមិត្តរួមអាជីពជាតារាម៉ូដែល អ្នកថតរូបល្បីៗ ក៏ដូចជាបុគ្គលសំខាន់ជាច្រើនទៀតនៅក្នុងវិស័យនេះ។
“ពួកគេបានបង្រៀនខ្ញុំនូវមេរៀនជាច្រើន ដូចជាការបង្កើនភាពជឿជាក់ កិរិយាមាយាទ រួមទាំងផ្នត់គំនិត ធ្វើឲ្យខ្ញុំមានឆន្ទៈក្នុងការប្រថុយ និងពិសោធន៍ ជារួមការបង្រៀនទាំងនោះ វាបានជួយដល់ផ្នែកផ្សេងៗទៀតជីវិតរបស់ខ្ញុំ! វាក៏បានបង្រៀនខ្ញុំពីសារៈសំខាន់នៃការភ្ជាប់ទំនាក់ទំនងទៅនឹងឬសនៃវប្បធម៌ ហើយឥឡូវនេះ ខ្ញុំរឹតពេញចិត្តនិងឲ្យតម្លៃចំពោះវប្បធម៌ទាំងពីរជាងកាលពីពេលមុនទៅទៀត"៕
