- 2020-04-29 03:05:25
- ជីវិតតារា
សម្ដែងរឿងអីអីចេះ តារាសម្ដែងរូបសង្ហា អ៊ុន សិទ្ធា ចេញដំបៅឃ្លង់ពេញខ្លួន!
- 2020-04-29 03:05:25
- ចំនួនមតិ 0 | ចំនួនចែករំលែក 0
សម្ដែងរឿងអីអីចេះ តារាសម្ដែងរូបសង្ហា អ៊ុន សិទ្ធា ចេញដំបៅឃ្លង់ពេញខ្លួន!
ចន្លោះមិនឃើញ
តារាសម្ដែង អ៊ុន សិទ្ធា ដែលធ្លាប់មានមុខមាត់ស្អាតបាត និងរូបសង្ហានោះ ស្រាប់តែពេលនេះលោកបានបញ្ចេញរូបថតបីសន្លឹកតាមរយៈហ្វេសប៊ុកដ៏គួរឲ្យភ្ញាក់ផ្អើល ព្រោះមុខ និងខ្លួនរបស់លោកកើតជំងឺឃ្លង់មើលទៅគួរឲ្យខ្លាច។
បើគេពិនិត្យមើលយូរទៅ សភាពទ្រុឌទ្រោម និងដំបៅឃ្លង់លើមុខសិទ្ធា នៅពេលនេះ គឺជាការតែងឡើងដើម្បីថតរឿងអ្វីមួយប៉ុណ្ណោះ។ ប៉ុន្ដែនៅលើសារដែលលោកបានបង្ហោះនោះមិនបានប្រាប់ថា វាជាស្ថានភាពពិត ឬជាការតែងឡើងដើម្បីសម្ដែងនោះទេ ដោយលោកគ្រាន់បង្ហើបថា៖"បើខ្ញុំក្លាយជាបែបនេះ តើមានអ្នកស្រឡាញ់ខ្ញុំដែរអត់?(ម៉ែកុំបារម្ភ កូនរឹងមាំណាស់ នឹកម៉ែ"។
Sabay មិនទាន់អាចទាក់ទងលោក អ៊ុន សិទ្ធា ដើម្បីសួរលម្អិតជុំវិញរឿងនេះបាននៅឡើយ ប៉ុន្ដែកន្លងទៅលោកធ្លាប់ប្រាប់ថា នៅចុងខែមេសា ឬដើមខែឧសភានេះ រូបលោកទទួលថតរឿងភាគមួយដើម្បីចាក់បញ្ចាំងនៅកញ្ចក់ទូរទស្សន៍ក្នុងស្រុកល្បីឈ្មោះមួយ។
កាលណោះតារាសម្ដែង ពិធីករ និងជាអ្នកដើរម៉ូដរូបនេះប្រាប់ថា លោកត្រូវដើរជាតួអង្គឯកវេទនាបំផុត ដែលអាចជាតួអង្គខ្វាក់ ឬកើតជំងឺអ្វីម្យ៉ាង ហើយរស់នៅយ៉ាងវេទនា មុននឹងរកសេចក្ដីសុខឃើញនៅទីបញ្ចប់ នៃរឿងនោះ៕
