- 2020-08-31 03:29:35
- ជីវិតតារា
កូនប្រុសកាន់តែធំហើយ! ឌុច លីដា មិនចង់និយាយពីឈ្មោះរបស់ស្វាមី
- 2020-08-31 03:29:35
- ចំនួនមតិ 0 | ចំនួនចែករំលែក 0
កូនប្រុសកាន់តែធំហើយ! ឌុច លីដា មិនចង់និយាយពីឈ្មោះរបស់ស្វាមី
ចន្លោះមិនឃើញ
តារាសម្ដែង និងបង្ហាញម៉ូត អ្នកនាង ឌុច លីដា នៅតែរក្សាអាថ៌កំបាំងចំណងស្នេហាក្រៅឆាករហូតដល់មានកូនមុនចូលរោងការបាន។ នាងថា ហេតុដែលនាងមិនទាន់អាចបង្ហាញមុខស្វាមីជាសាធារណៈ ព្រោះតែស្វាមីនៅអៀន ហើយម្យ៉ាងវាក៏មិនទាន់ចាំបាច់អ្វីដែរដែលនាងត្រូវលាតត្រដាងនៅពេលនេះដែរ។
គិតមកដល់ខែសីហា ឆ្នាំ២០២០ នេះ កូនប្រុសរបស់ ឌុច លីដា ឈ្មោះ កិត្យាមុនី ហៅ London មានអាយុ៧ខែហើយ។ លីដា បង្ហើបថា កិត្យាមុនី គឺជាឈ្មោះដែលប៉ាគេដាក់អោយ ហើយប៉ាៗក៏ស្រឡាញ់កូនខ្លាំងណាស់ដែរ ស្របពេលដែលនាងចំណាយពេលស្ទើរ២៤ម៉ោងជារៀងរាល់ថ្ងៃ ដើម្បីថែទាំ និងថ្នាក់ថ្នមកូនជាទីស្រឡាញ់។
ឌុច លីដា៖"និយាយទៅកូនជាកម្លាំងចិត្តរបស់ខ្ញុំ។ Sabay៖ បេប៊ីកាន់ធំហើយ ចុះអូនមានបារម្ភខ្លាចគេសួររឿងប៉ាៗទេ? ហ៊ឺ...បង! ចុះខ្លាចសួររកប៉ាអីបើរស់នៅជាមួយគ្នារាល់ថ្ងៃហើយហ្នឹង គ្រាន់តែខ្ញុំមិនទាន់ចង់បញ្ចេញ"។
តារាសម្ដែងរាងតូចច្រឡឹង ឌុច លីដា មិនដែលបាត់មុខឈឹងពីសិល្បៈ ហើយគេក៏កម្រឃើញនាងពពោះដែរ ប៉ុន្តែកាលពីដើមឆ្នាំ២០២០ ស្រាប់តែនាងធ្វើឲ្យអ្នកគាំទ្រភ្ញាក់ផ្អើលដោយសារតែនាងបានបង្ហាញវត្តមានបេប៊ីម្នាក់ហើយបញ្ជាក់ថាបេប៊ីនោះគឺជាកូនរបស់នាង។ ក្រោយពីបង្កើតភាពភ្ញាក់ផ្អើលនេះ នាងបានបង្ហើបប្រាប់អ្នកសារព័ត៌មានថា ស្វាមីរបស់នាង គឺមន្ដ្រីរាជការម្នាក់ ហើយគាត់គឺជាមនុស្សដែលពូកែអៀនខ្មាស៕
