- 2020-09-03 00:51:00
- ជីវិតតារា
នោះរឿងអី ឌុច លីដា ប្រកាសមិនទទួលថតរឿងវែងៗ
- 2020-09-03 00:51:00
- ចំនួនមតិ 0 | ចំនួនចែករំលែក 0
នោះរឿងអី ឌុច លីដា ប្រកាសមិនទទួលថតរឿងវែងៗ
ចន្លោះមិនឃើញ
តារាសម្ដែង និងដើរម៉ូត ឌុច លីដា ចាប់ផ្ដើមទទួលថតស្ពតពាណិជ្ជកម្ម បង្ហាញម៉ូដ និងថតភាពយន្តខ្នាតខ្លីៗក្រោយពីដកឃ្លាបានខ្លះពីកូនប្រុសជាទីស្រឡាញ់របស់នាង។ ប៉ុន្តែនាងនៅតែមិនទាន់អាចទទួលយកការថតរឿងភាគ ឬខ្សែភាពយន្តខ្នាតធំដែលប្រើពេលថតយូរៗនៅឡើយ។
ចាប់តាំងពីចុងឆ្នាំ២០១៩ រហូតមកដល់ខែកញ្ញា ឆ្នាំ២០២០ នេះ គេមិនសូវឃើញ ឌុច លីដា តាមកញ្ចក់ទូរទស្សន៍ និងតាមបណ្ដាញសង្គមទេ។ ការណ៍ដែលប្រិយមិត្តមិនសូវបានឃើញមុខនាងក្នុងពិភពសិល្បៈមួយរយៈនេះ គឺដោយសារតែនាងរវល់នឹងមើលថែកូនតូចអាយុ៧ខែម្នាក់។
លីដា ថានាងនៅតែស្រឡាញ់វិស័យសិល្បៈ ហើយចង់ថតរឿង ប៉ុន្ដែមិនទទួលថតបានច្រើនដូចមុនទេ។ បច្ចុប្បន្ន នាង ឆ្លៀតពេលថតបានខ្លះឲ្យក្រុមហ៊ុនលក់ផលិតផល និងសម្អាងការមួយចំនួន។ នាងបន្ថែមថា នឹងចូលប្រឡូកក្នុងអាជីពសម្ដែង និងដើរម៉ូដ ពេញលេញឡើងវិញក្នុងពេលសមស្របណាមួយ ពោលគឺអាស្រ័យលើការចម្រើនវ័យរបស់កូន ព្រោះសព្វថ្ងៃនាងបានចំណាយពេលស្ទើរ១០០% ដើម្បីមើលថែកូនតែម្នាក់គត់។
ឌុច លីដា គឺជាតារាសម្ដែង និងដើរម៉ូដដ៏មានប្រជាប្រិយភាពម្នាក់ ហើយនាងក៏មមាញឹកណាស់ដែរក្នុងអាជីពសម្ដែង និងដើរម៉ូតនៅមុនពេលដែលនាងបាត់មុខមួយរយៈពីពិភពសិល្បៈ ហើយក្រោយមកគឺនៅដើមឆ្នាំ២០២០ ស្រាប់តែនាងបង្ហាញវត្តមានបេប៊ីម្នាក់ដែលនាងអះអាងថាជាកូនប្រុសរបស់នាងនោះ។
ក្រោយមកទៀតគេក៏ឃើញវត្ដមានរបស់នាងជាចំហរនៅក្នុងកម្មវិធីជួបជុំមួយដែលរៀបចំឡើងដោយផលិតកម្មហ្គាឡាក់ស៊ី ដើម្បីទទួលស្វាគមន៍កំពូលតារាចម្រៀងព្រាប សុវត្ថិ កាលពីថ្ងៃទី២៥ ខែសីហា ឆ្នាំ២០២០ កន្លងទៅ៕
