- 2021-08-16 03:09:36
- ស្ទីលតារា
ម្នាក់ៗស្ទីលកប់ស៊េរី មើល និសា សុគន្ធកញ្ញា និង អ៊ីវ៉ាធីណា ជំនាន់នៅស្លុយ មើលហើយចង់អស់សំណើច
- 2021-08-16 03:09:36
- ចំនួនមតិ 0 | ចំនួនចែករំលែក 0
ម្នាក់ៗស្ទីលកប់ស៊េរី មើល និសា សុគន្ធកញ្ញា និង អ៊ីវ៉ាធីណា ជំនាន់នៅស្លុយ មើលហើយចង់អស់សំណើច
ចន្លោះមិនឃើញ
ឱក សុគន្ធកញ្ញា សុគន្ធ និសា និង លី អ៊ីវ៉ាធីណា បច្ចុប្បន្នបាន និងកំពុងរីករាយជាមួយជីវិតរៀងៗខ្លួន តែបើវិលត្រឡប់ទៅអតីតកាល ពួកគេធ្លាប់ជាតារាចម្រៀងរួមទ្រនំ និងមានអនុស្សាវរីយ៍ល្អនៅលើឆាកតន្ត្រីដ៏ធំមួយជាមួយគ្នាទៀត ហើយអ្វីរឹតតែពិសេស គឺម្នាក់ៗរៀបរយខ្លួនជាមួយស្ទីលកប់ស៊េរីរៀងខ្លួន។
សកម្មភាពនោះ និយាយពីឃ្លិបវីដេអូមួយរបស់ពួកគេដែលបានលេចចេញនៅលើបណ្ដាញសង្គមថ្មីៗនេះ។ ទំព័រអ្នកគាំទ្ររបស់តារាចម្រៀង សុគន្ធ និសា បានយកវីដេអូដ៏កម្រនោះមកបង្ហោះសារជាថ្មី ធ្វើឲ្យមានការចាប់អារម្មណ៍គគ្រឹកគគ្រេង។ តាមរយៈសារនៅលើវីដេអូ តារាចម្រៀងស្រីទាំង ៣បានចូលរួមក្នុងការប្រគំតន្ត្រីធំមួយនៅខេត្តសៀមរាប។
វេលានោះ ពួកគេបានបកស្រាយរួមគ្នានូវបទចម្រៀងមួយបទមានចំណងជើងថា "ពាក្យស្រឡាញ់ពាក្រស្អប់" ដែលបទនោះស្ថិតក្រោមផលិតកម្ម U2។ វីដេអូមានរយៈពេលជាង ១នាទី បានធ្វើឲ្យមានការរំជើបរំជួលជាថ្មី អតីតកាលដ៏រីករាយជាមួយតារាចម្រៀងទាំងបី និងជាអនុស្សាវរីយ៍ដ៏ល្អមួយ។ ដូច្នេះហើយ ប្រិយមិត្តបានប្រាថ្នាចង់បានទិដ្ឋភាពនោះវិលត្រឡប់ជាថ្មីនៅឆ្នាំ ២០២១នេះ។
យ៉ាងណាក៏ដោយ គេមិនដឹងថាការរំពឹងនោះអាចទៅរួច ឬអត់នោះទេ ត្បិតថា បច្ចុប្បន្នពួកគេបានបែកខ្ញែកគ្នាអស់ទៅហើយ ក្នុងនោះ សុគន្ធ និសា និង សុគន្ធកញ្ញា នៅក្នុងផលិតកម្មជាមួយគ្នា ដោយឡែក អ៊ីវ៉ាធីណា នៅផលិតកម្មផ្សេង និងបានថយឆ្ងាយទៅហើយពីការងារច្រៀងរាំ តែកំពុងជោគជាំជាមួយនឹងអាជីវកម្មមួយចំនួនទៅហើយនោះ។
កើត ឬមិនកើតវិញ កុំទាន់គិត តោះ...ឥឡូវទៅពួកគេជំនាន់នៅស្លុយទាំងអស់គ្នាសិន៖
