និយមសិចស៊ីដូចគ្នាមែន តែ សេង សូណា ថាឲ្យ ដេនី ក្វាន់ កប់ៗ

2016-12-08 03:57:57
ស្ទីលតារា

2016-12-08 03:57:57
ចំនួនមតិ 0 | ចំនួនចែករំលែក 0

ចន្លោះមិនឃើញ

"ខ្ញុំបើថតផុសលេងអត់ប្រយោជន៍ ដូចដេនីក្វាន់ខ្ញុំអត់ទេ ប៉ុន្តែបើថតកុនវិញ ស្រាតក៏ខ្ញុំហ៊ានដែរ ព្រោះកុនហ្នឹងមុនថត ក្រសួងគេអនុញ្ញាត ហើយហើយបានលុយទៀត " សេង សូណា ថ្លែងមកកាន់Sabayព្រឹកនេះ។

សេង សូណា បន្តថា "ខ្ញុំឆ្ងល់ហេតុអីបានជា ដេនីក្វាន់ ក្រសួងហៅញឹក ម៉េចនៅតែអត់រាងទៀត បើខ្ញុំអត់ហ៊ានទេ"។ កាលពីប៉ុន្មានថ្ងៃមុខនេះ ដេនីក្វាន់ បានបញ្ចេញរូបថតជាច្រើនសន្លឹកបង្ហោះលើ Facebbok ផ្ទាល់ខ្លួនរបស់នាង ហើយត្រូវសារព័ត៌មានក្នុងស្រុកជាច្រើនចុះផ្សាយហូរហែ។

ភា្លមៗ មានព័ត៌មានចេញពីក្រសួងវប្បធម៌ និងវិចិត្រសិល្បៈមកថា ក្រសួងគ្រោងអញ្ជើញដេនីក្វាន់ មកកាន់ក្រសួងជាថ្មីម្ដងទៀត ដើម្បីទទួលការណែនាំបន្តទៀត។

ករណីនេះ សេង សូណា លើកឡើងថា ប្រសិនបើក្រសួងវប្បធម៌ហៅទៅម្ដងទៀតមែននោះ ដេនី ក្វាន់គួរតែទៅតាមការកោះហៅ មិនចាំបាច់គេចវេសនោះឡើយ។ត្បិតអីក្រសួងវប្បធម៌ គឺជាអាណាព្យាបាលអ្នកសិល្បៈទាំងអស់គ្នា។ នាងថា ក្រសួងមិនបណ្ដោយព្រោះតែមនុស្សម្នាក់ នាំឲ្យខូចឈ្មោះអ្នកសិល្បៈមួយប្រទេសឡើយ។

គិតមកត្រឹមថ្ងៃនេះ មិនទាន់មានការសម្រេចយ៉ាងណា ជុំវិញករណី ដេនី ក្វាន់ នៅឡើយទេ។ ឯកឧត្ដម ថៃ នរៈសត្យា រដ្ឋលេខាធិការក្រសួងវប្បធម៌ និងវិចិត្រសិល្បៈ ដែលធ្លាប់កោះហៅដេនីក្វាន់ម្ដង បានឆ្លើយតបតាមសារអេឡិចត្រូនិក យ៉ាងខ្លីថា អ្វីៗកំពុងដំណើរការនៅឡើយ។ ចំណែកដេនីក្វាន់វិញ ទូរសព្ទរបស់នាងមិនមានអ្នកទទួលឡើយ ខណៈហៅចូលច្រើនលើក៕

អត្ថបទ៖ ខុត សីហា