- 2017-02-11 07:10:36
- ជីវិតតារា
ឈិន ម៉ានិច្ច លាតត្រដាងទំនាក់ទំនងជាមួយ នី រតនា
- 2017-02-11 07:10:36
- ចំនួនមតិ 0 | ចំនួនចែករំលែក 0
ឈិន ម៉ានិច្ច លាតត្រដាងទំនាក់ទំនងជាមួយ នី រតនា
ចន្លោះមិនឃើញ
បន្ទាប់ពីមានមន្ទិលដែលលើកឡើងដោយអ្នកគាំទ្រពីទំនាក់ទំនងនាងនិងរៀមច្បង នី រតនា នៅថ្ងៃនេះ ជយលាភីលេខ១ក្នុងកម្មវិធី Cambodian Idol រដូវកាលទី២ ឈិន ម៉ានិច្ច បានប្រាប់ Sabay ពីបញ្ហានេះ។
តារាចម្រៀងស្រីមកពីខេត្តកំពង់ស្ពឺរូបនេះបន្តថា មួយរយៈចុងក្រោយនេះនាងពិតជាបង្ហាញភាពស្និទ្ធស្នាលជាមួយ នី រតនា មែន រហូតធ្វើឲ្យមហាជនមួយចំនួនបានគិតថាទំនាក់ទំនងនាង និង នី រតនា លើសពីមិត្តភាពទៅទៀត។ យ៉ាងណា ជុំវិញបញ្ហានេះ នាងសុំបកស្រាយថាទំនាក់ទំនង មួយនេះគ្មានអ្វីលើសពីមិត្តភាពបងប្អូននោះទេ គឺត្រឹមជាដៃគូច្រៀងនឹងគ្នាប៉ុណ្ណោះ។
ការសម្រេចធ្វើកិច្ចសហការជាមួយគ្នានេះ ម៉ានិច បង្ហើបទៀតថា ធ្វើតាមការចង់បានម្ចាស់ឧបត្ថម្ភ។ "ច៎ាសបង បានជាខ្ញុំ និងបង រតនា ចាប់ដៃគូច្រៀងជាមួយគ្នានៅតាមការប្រគំតន្រ្តី ព្រោះខាងម្ចាស់ Sponsor គាត់ជាអ្នកស្នើសុំឲ្យពួកយើងទាំងពីរច្រៀង និងសម្ដែងរួមគ្នាបង ដោយសារខាងម្ចាស់ Sponsor គិតថាពួកខ្ញុំសម្ដែងទៅស៊ីចង្វាក់គ្នាបានល្អ"។
គួរបញ្ជាក់ថា កញ្ញា ឈិន ម៉ានិច្ច នឹង ចាប់ដៃគូសម្ដែងជាមួយ នី រតនា នៅក្នុង MV ក្នុងពេលឆាប់ៗនេះ ជាមួយបទចម្រៀងពីបទឆ្លើយឆ្លងគ្នាគឺបទ "នារីក្នុងសុបិន្តបង គឺជាអ្នកណា" ច្រៀងដោយនាងផ្ទាល់ និងបទ "នារីក្នុងសុបិន្តបង គឺជាអូន" ច្រៀងដោយ នី រតនា ៕
