ក្រោយបែកពីមហាសេដ្ឋី Mariah Carey បែរទាក់ទងអ្នករាំវិញ

2017-02-20 08:06:11
ជីវិតតារា

2017-02-20 08:06:11
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងវ័យ ៤៦ឆ្នាំ Mariah Carey កាលពីពេលថ្មីៗនេះ បានទទួលស្គាល់ថា នាងកំពុងមានទំនាក់ទំនង ជាមួយនឹងអ្នករាំម្នាក់ឈ្មោះ Bryan Tanaka។

ជាក់ស្ដែងកាលពីថ្ងៃអាទិត្យម្សិលមិញនេះ ម្ចាស់បទ "Without You” រូបនេះត្រូវគេថតបាន នៅពេលដែលកំពុងបណ្ដើរកូនភ្លោះទាំងពីរ និងមិត្តប្រុស នៅឯប្រលានយន្តហោះអន្តរជាតិ Los Angeles International Airport ។ ក្នុងដំណើរនោះគេឃើញថា តារាចម្រៀងប៉ុបរូបនេះ ពាក់អាវស្បែកយ៉ាងទាន់សម័យ ជាមួយនឹងខោខ្មៅ ធ្វើដំណើរចេញពីចំណតរថយន្តនៅប្រលានយន្តហោះជាមួយកូនរបស់នាងទាំងពីរ និងមិត្តប្រុសថ្មីរបស់នាង។

គួរបញ្ជាក់ផងដែរថា តារាចម្រៀងកូនពីររូបនេះ បានធ្វើឲ្យអ្នកគាំទ្រមានការភ្ញាក់ផ្អើលយ៉ាងខ្លាំងបន្ទាប់ពីនាងនិងមិត្តប្រុសក្មេងវ័យ៣៣ឆ្នាំ មានទំនាក់ទំនងស្នេហាជាមួយគ្នា ជាពិសេសពួកគេក៏បានចំណាយពេលដ៏មានតម្លៃជាមួយគ្នាផងដែរ ។ កន្លងមកនៅថ្ងៃបុណ្យនៃក្ដីស្រលាញ់ អ្នកទាំងពីរបានបង្ហាញរូបភាពយ៉ាងស្និទ្ធស្នាល ពេលផឹកស្រាក្នុងធុងទឹកក្ដៅ។