ម៉ៅ ហាជី បដិសេធថោនជួយជ្រោមជ្រែងទិញឡាន និងផ្ទះ

2017-03-21 04:56:53
ជីវិតតារា

2017-03-21 04:56:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពី ម៉ៅ ហាជី ទិញផ្ទះតម្លៃ៧ម៉ឺនដុល្លារ និងរថយន្តម៉ាក Tundra តម្លៃជាង៣ម៉ឺនដុល្លាររួចមក ក៏ផ្ទុះពាក្យខ្សឹបខ្សៀវមួយចំនួនបានលើកឡើងថា ថៅកែផលិតកម្មថោនជាអ្នកនៅពីក្រោយនៃការទិញនេះ។

ទាក់ទងរឿងរ៉ាវខាងលើលោក ម៉ៅ ហាជី បានប្រាប់ Sabay ថា រថយន្ត និងផ្ទះតម្លៃរាប់ម៉ឺនដុល្លារគឺជាកម្លាំងញើសឈាមលោកទាំងអស់ អត់មានការជួយទំនុកបម្រុងពីសំណាក់ថៅកែផលិតកម្មថោននោះទេ ហើយក៏គ្មានអ្នកធំម្នាក់ណាមកចិញ្ចឹមរូបលោកដែរ។ក្នុងរយៈពេលពេញមួយឆ្នាំពេញនេះ លោកចេញច្រៀងខនសឺតស្ទើររកពេលសម្រាកគ្មានផង។

តារាចម្រៀងមកពីខេត្តបាត់ដំបងនិយាយថា៖ "អត់ទេមួយឆ្នាំពេញហ្នឹងកម្លាំងញើសឈាមទាំងអស់និយាយទៅ ផ្ទះហ្នឹងមិនមែនទិញដាច់ទេគឺបង់រំលោះក្នុងមួយខែខ្ញុំត្រូវបង់៦០០ ដុល្លារបង ហើយឡានទើបដូរហ្នឹងដោយសារបងធម៌អ្នកលក់ឡានគាត់ស្គាល់ យើងជំពាក់គាត់ខ្លះអ៊ីចឹងណាបង ហើយគាត់អត់សូវខ្វាយខ្វល់រឿងលុយព្រោះយើងរាប់អានគ្នាដូចបងប្អូន"។

លោកថា ហេតុដូចច្នេះសុំបងប្អូនទស្សនិកជនដែលតែងតែគាំទ្ររូបលោកកន្លងមកសុំកុំយល់ច្រឡំថាលោកមានអ្នកចិញ្ចឹមនៅពីក្រោយខ្នងទាំងឡាន និងផ្ទះគឺជាកម្លាំងញើសឈាមរបស់លោកសុទ្ធសាធ៕

អត្ថបទ៖ ឆុង ស៊ីណាន