- 2017-06-01 07:51:27
- ស្ទីលតារា
ម៉ាដូណា លែងប្រកាន់ជំហរទុកសក់វែងដូចមុន
- 2017-06-01 07:51:27
- ចំនួនមតិ 0 | ចំនួនចែករំលែក 0
ម៉ាដូណា លែងប្រកាន់ជំហរទុកសក់វែងដូចមុន
ចន្លោះមិនឃើញ
តារាសម្ដែងក្រមិចក្រមើម ដ៏មានប្រជាប្រិយភាពក្នុងសង្គមសិល្បៈខ្មែរ ម៉ាដូណា លែងប្រកាន់ជំហរទុកសក់វែង ដើម្បីប្រជាប្រិយភាពខ្លួនទៀតហើយ ក្រោយលោកចង់ទទួលបានការងារសិល្បៈចម្រុះ។
ម៉ាដូណា ប្រាប់ថា មូលហេតុធ្វើឱ្យលោក ប្រកាន់គោលជំហរទុកសក់វែងកាលពីមុន ដោយសារលោកជាអ្នកសម្ដែង Show ហើយការទុកសក់ទៀតសោត គឺដើម្បីងាយស្រួល ក្នុងការតុបតែងខ្លួន ឱ្យត្រូវទៅតាមកម្មវិធីនីមួយៗ។ យ៉ាងណាបច្ចុប្បន្ននេះ ចិត្តរបស់តារាសម្ដែងរូបនេះ បានផ្លាស់ប្ដូរ១៨០ដឺក្រេ ព្រោះលោកចង់បានអាជីព ជាអ្នកតារចម្រៀង និងពិធីករ។
បើតាមការបញ្ជាក់បន្ថែមរបស់ ម៉ាដូណា បទចម្រៀងថ្មីមួយ នឹងលេចរូបរាងឡើង ប៉ុន្តែមិនច្បាស់ថាចេញនៅពេលណានោះទេ។ បទនេះ នឹងឆ្លុះបញ្ចាំងពីរឿងពិតក្នុងសង្គមកម្ពុជា ជីវិតពិតរបស់លោកម៉ាដូណា បង្ហាញពីអតីតកាល និងបច្ចុប្បន្នភាពរបស់មនុស្សម្នាក់ ដែលផ្ដល់តម្លៃអប់រំ កុំឱ្យមនុស្សវាយតម្លៃមនុស្ស តាមតែសំបកក្រៅ។
ជាង១០ឆ្នាំមុន ម៉ាដូណា ជាអ្នកសម្ដែង Show ប្លែកៗដ៏ល្បីល្បាញមួយរូប ដែលគ្រានោះក្រុមរបស់លោក តែងបង្ហាញមុខនៅផ្សាររាត្រីមាត់ទន្លេ រៀងរាល់ថ្ងៃសៅរ៍ និងអាទិត្យ ហើយទទួលបានការគាំទ្រច្រើន ពីសំណាក់ប្រជាជនខ្មែរ៕
