- 2017-06-03 10:08:11
- ជីវិតតារា
David Beckham រងការរិះគន់ ព្រោះបង្ហោះរូបថើបបបូរមាត់កូនស្រី
- 2017-06-03 10:08:11
- ចំនួនមតិ 0 | ចំនួនចែករំលែក 0
David Beckham រងការរិះគន់ ព្រោះបង្ហោះរូបថើបបបូរមាត់កូនស្រី
ចន្លោះមិនឃើញ
ថ្មីៗនេះអតីតកីឡាបាល់ទាត់និងជាតារាម៉ូដែល David Beckham បានបង្ហោះរូបថតថើបបបូរមាត់កូនស្រីអាយុ៥ឆ្នាំខ្លួនទៅលើបណ្ដាញសង្គម Instagram ដោយសង្ឃឹមថាអ្នកគាំទ្រខ្លួននឹងពេញចិត្តរូបនេះដែលបង្ហាញពីអារម្មណ៍ស្រលាញ់ខ្លួនចំពោះកូនស្រី។
ផ្ទុយទៅវិញ តារារូបនេះត្រូវបានអ្នកគាំទ្រជាច្រើននិយាយពីរូបថតនេះថា ធ្វើបែបហ្នឹងមិនសមទាល់តែសោះ និង ចម្លែកទៀតផង។
ប៉ុន្តែក៏មានក្រុមឪពុកម្ដាយមួយចំនួនក៏បាននិយាយតបតទៅកាន់អ្នកទាំងនោះផងដែរ ដោយនិយាយថាវាមិនខុសអ្វីទេសម្រាប់ "ក្ដីស្រលាញ់ច្រើន" នៅក្នុងពិភពលោកនេះ។
ចំពោះពាក្យពេចន៍ដែលអ្នកមិនចូលចិត្តបានបង្ហាញនៅកន្លែងបញ្ចេញមតិនោះ គឺថាឲ្យ Beckham ខ្លាំងៗ។ មានអ្នកមិនពេញចិត្តម្នាក់បានបញ្ចេញមតិថា៖ "ហេតុអ្វីចាំបាច់ត្រូវធ្វើបែបនេះ? ពួកយើងមិនចង់ឃើញវាទេ។" ម្នាក់ទៀតបានថា៖ "បើនិយាយឲ្យត្រង់ថើបកូនស្រីចំបបូរមាត់អីចឹង មើលទៅដូចជាចម្លែកបន្តិច។"
ប៉ុន្ដែក៏មានអ្នកខ្លះបានជួយនិយាយតបតជួយតារារូបនេះផងដែរ ដោយនិយាយថាគ្រាន់តែធ្វើប៉ុណ្ណឹងវាមិនមានបញ្ហាអ្វីនោះទេ។ អ្នកគាំទ្រម្នាក់បញ្ចេញមតិថា៖ "រូបថតនេះពិតជាគួរឲ្យស្រលាញ់ណាស់ ព្រោះបង្ហាញពីទំនាក់ទំនងល្អរវាងអ្នកនិងកូនស្រីរបស់អ្នក"។ ម្នាក់ទៀតនិយាយថា៖ "កុំខ្វល់នឹង Haters ពួកគេល្ងង់ណាស់ Harper គ្រាន់តែជាក្មេងស្រីតូចមួយមិនមែនធំឯណា ហើយវាមិនមានអ្វីខុសនោះទេ។"
ទោះជាយ៉ាងណាក៏ដោយ David Beckham ហាក់ដូចជាមិនខ្វល់នឹងបញ្ហានេះទេដោយបន្សល់រូបនេះទុកនៅ Instagram ដដែល៕
