បង្ហាញមុខបុរស៣រូបល្បីមានស្នេហាជាមួយ ម៉ៅ គីមធីតា ត្រឹម១ប៉ប្រិចភ្នែក

2017-08-05 23:30:00
ជីវិតតារា

2017-08-05 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវផ្លាស់ប្ដូរគូស្នេហ៍ពីមួយទៅរបស់របស់ ម៉ៅ គឹមធីតា សម្រាប់ឆ្នាំ ២០១៧ នេះកំពុងតែទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រ។ តើកំលោះសង្ហាណាខ្លះល្បីថាធ្លាប់បង្កាត់ភ្លើងស្នេហ៍ជាមួយ ម៉ៅ គីមធីតា?

ថ្ងៃនេះSabay សូមធ្វើការបង្ហាញជូនបុរសទាំង៣ រូបកន្លងមកធ្លាប់រងព័ត៌មានស្នេហាជាមួយតួស្រីក្នុងរឿង "មន្តស្នេហ៍លេខា" មាន ហាក់ សុធារិទ្ធ ហង្ស សម្បើមស័ក្តិ និង គូម៉ា។ បើចង់ដឹងច្បាស់ព័ត៌មានលំអិតរបស់ ម៉ៅ គីមធីតា ជាមួយកំលោះសង្ហាទាំង៣រូបតាមដានខាងក្រោមនេះទាំងអស់គ្នា៖

ម៉ៅ គីមធីតា និង ហាក់ សុធារិទ្ធ

លោក ហាក់ សុធារិទ្ធ ម្ចាស់បទ "មេឃកំពុងភ្លៀងហើយ" ល្បីថាធ្លាប់មានទំនាក់ទំនងស្នេហា ជាមួយ ម៉ៅ គីធីតា យ៉ាងស្អិតល្មួតនៅដើមឆ្នាំ២០១៧ តែព័ត៌មានស្នេហារវាងពួកគេទាំងពីរត្រូវបានបញ្ចប់ទៅវិញ បន្ទាប់ពី ម៉ៅ គីមធីតា បង្ហាញវត្តមាននៅក្នុងរឿង "មន្តស្នេហ៍លេខា" ក៏បានជួបជាមួយ ហង្ស សម្បើមស័ក្តិ ក៏ចាប់ផ្ដើមសាងស្នេហ៍ថ្មីដែលជាស្នេហ៍ទី២របស់ខ្លួន ដោយបំភ្លេចស្នេហ៍ចាស់។

ចំណែកឯស្នេហាទី៣ វិញជាមួយតារាចម្រៀង គូម៉ា ត្រូវបានសារព័ត៌មានក្នុងស្រុកចុះផ្សាយស្ទើរតែគ្រប់ទំព័រថា ពេលនេះ ម៉ៅ គឹមធីតា បានបែកស្នេហ៍ពី ហង្ស សម្បើមស័ក្តិ មកភ្ជាប់ស្នេហ៍ថ្មីជាមួយគូម៉ា ។

ម៉ៅ គីមធីតា និង ហង្ស សម្បើមស័ក្តិ

ជុំវិញព័ត៌មានល្បីថា ធីតា ផ្លាស់ប្ដូរគូស្នេហ៍ពីមួយទៅមួយត្រឹមតែមួយប៉ប្រិចភ្នែក បានធ្វើឲ្យនាង ចេញមុខបកស្រាយថាទំនាក់ទំនងជាមួយតារាចម្រៀង និងសម្ដែងទាំង៣រូបនេះក្នុងនាមជាមិត្តភ័ក្ដិសិល្បៈ និងស្រឡាញ់រាប់អានគ្នាដូចបងប្អូនតែប៉ុណ្ណោះគ្មានអ្វីលើសពីហ្នឹងទេ។

“ចាសបង កន្លងមករវាងខ្ញុំ និងពួកគាត់ទាំង៣នាក់គ្មានទំនាក់ទំនងអ្វីលើសពីមិត្តភ័ក្ដិបងប្អូននោះទេ ហើយខ្ញុំមិនបានផ្លាស់ប្ដូរស្នេហា ២ ទៅ៣ ដងក្នុង១ឆ្នាំនោះទេ។ ឲ្យផ្លាស់ប្ដូរស្នេហ៍យ៉ាងម៉េចបើក្នុងពេលនេះខ្ញុំអត់មានស្នេហាផងហ្នឹង រវល់ជាមួយការងារសិល្បៈគ្មានពេលសម្រាកផងបង"។ស្រីស្អាត ម៉ៅ គីមធីតា ថ្លែងបញ្ជាក់៕