បើកបង្ហាញអត្តសញ្ញាណគូស្នេហ៍ ដេនី ក្វាន់

2017-11-06 05:08:26
ជីវិតតារា

2017-11-06 05:08:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីត្បិតគូស្នេហ៍ ដេនី ក្វាន់ មិនមែនជាឧកញ៉ា ឬ ឯកឧត្ដមក្ដីតែគូស្នេហ៍នាងជាអ្នកជំនួញកាន់លុយរាប់សែនដុល្លារក្នុងដៃ។

បើតាមបងស្រី ដេនី ក្វាន់ អ្នកនាង ចោម ច័ន្ទ បានប្រាប់ Sabay ថា គូស្នេហ៍ប្អូនស្រីខ្លួន មានឈ្មោះថា ច័ន្ទ មករា មានស្រុកកំណើតមកពីខេត្តបាត់ដំបង សព្វថ្ងៃរស់នៅភ្នំពេញមានមុខជំនួញធំពីរនៅក្នុងដៃ ១ គឺជាថៅកែលក់ឡាន និងទី ២ ថៅកែយានដ្ឋានជួសជុលរថយន្ត។

ក្រៅពីមានមុខជំនួញធំៗនៅក្នុងដៃហើយនោះលោក ច័ន្ទ មករា ជាអនាគតស្វាមី ដេនី ក្វាន់ ក៏មានផ្ទះ៣កន្លែងនៅក្រុងភ្នំពេញតម្លៃរាប់សែនដុល្លារ ឯណោះ។ លើសពីនេះក៏មានផ្ទះមួយកន្លែងទៀតនៅបុរីវិមានភ្នំពេញតម្លៃ ១៦ ម៉ឺនដុល្លារ។ អ្នកនាង ចោម ច័ន្ទ រៀបរាប់។

នាងបន្ថែមថា ចំណងស្នេហ៍ ដេនី ក្វាន់ និង លោក ច័ន្ទ មករា កើតឡើងមកពី និស្ស័យ ព្រមទាំងការអាណិត ព្រោះសាមីខ្លួនខាងប្រុសជាមនុស្សល្អ ពូកែយកចិត្តយកថ្លើមប្អូនស្រីខ្លួនគ្រប់បែបយ៉ាង ហើយមិនយូរទេពួកគេទាំងពីរនាក់នឹងរៀបការជាមួយគ្នា ព្រោះចាស់ទុំទាំងសង្ខាងបានដឹងឮរួចរាល់អស់ហើយ។

“បើគិតមកដល់ពេលនេះ ប្អូនស្រីបង និង មករា គាត់ស្គាល់គ្នាបានរយៈ ២ ឆ្នាំ ហើយអូន ពេលនេះពួកគេទាំងពីររង់ចាំតែពេលវេលា នឹងថ្ងៃល្អដើម្បីចូលរោងការ។ បើសិនជាបានថ្ងៃល្អក្នុងពេលឆាប់ៗនេះ ពួកគាត់ទាំងពីរប្រហែលជារៀបការឆាប់នេះដែរ"។ បងស្រី ដេនី ក្វាន់ ថ្លែងបញ្ជាក់៕