មិនឲ្យចាញ់ Selena ប្រទះឃើញ The Weeknd ចេញទៅក្រៅជាមួយសង្សារចាស់

2017-11-16 02:45:41
ជីវិតតារា

2017-11-16 02:45:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីជិតពីរសប្ដាហ៍មុន ព័ត៌មានដែលទាក់ទងនឹង Selena Gomez និង The Weeknd ចែកផ្លូវគ្នាត្រូវបានប្រកាសជាសាធារណៈ។ Selena ត្រូវគេប្រទះឃើញចំណាយពេលជាមួយអតីតសង្សារ Justin Bieber យ៉ាងស្និទ្ធស្នាល។

The Weeknd មើលទៅដូចជាយកលំនាំតាម Selena និង Justin ដោយមករួបរួមជាមួយសង្សារចាស់វិញ។ កាលពីយប់មិញនេះ តារារូបនេះត្រូវគេប្រមាញ់រូបថតបានក្រោយ ពេលចាកចេញពីផ្ទះរបស់សង្សារចាស់តារាម៉ូដែល Bella Hadid នៅទីក្រុង New York ដោយបានចំណាយពេល ៣ ទៅ ៤ ម៉ោងនៅទីនោះ។ រឿងនេះបានធ្វើឲ្យគេចាប់អារម្មណ៍ជាខ្លាំង។

Bella ក៏ត្រូវគេថតរូបបាននៅថ្ងៃនោះដែរ ប៉ុន្តែក្នុងពេលមុនហ្នឹងបន្តិចដោយស្លៀកពាក់អាវយឺតសពីខាងក្នុង និងឈុតខោវប៊យពីខាងក្រៅ។

តារាម៉ូដែលរូបនេះដែរ បាននិយាយពីអតីតសង្សារ The Weeknd កាលពីខែកុម្ភៈក្រោយទំនាក់ទំនងរបស់ The Weeknd និង Selena ក្លាយជាសាធារណៈថា ៖ "ខ្ញុំនៅតែគោរពគាត់ ហើយនៅតែស្រលាញ់គាត់។ ពេលខ្លះអ្នកចង់មានអារម្មណ៍ពិបាកចិត្តពីវា ឫដោះស្រាយបញ្ហានេះតាមវិធីផ្សេង ក៏ប៉ុន្តែចុងបញ្ចប់ អ្នកនិងមិនចង់បំផ្លាញស្ពានដែលអ្នកខិតខំសាងសង់ទាំងលំបាកនោះទេ។ ពួកគេបានឈប់ Follow គ្នាទៅវិញទៅមកលើបណ្ដាញសង្គម Instagram ក៏ប៉ុន្ដែកាលពីដើមខែឧសភា Bella បានចុច Like រូបភាពមួយរបស់ The Weeknd ក្រោយមកក៏ Unlike ទៅវិញ៕

អានអត្ថបទ៖

ប្រភព៖ Elle ប្រែសម្រួល៖ ធារ៉ូ