- 2017-11-22 02:32:57
- ជីវិតតារា
៦សន្លឹកនៅពីក្រោយការពិតដែល អែតវីន ក្លាយជាមនុស្សបែបហ្នឹង
- 2017-11-22 02:32:57
- ចំនួនមតិ 0 | ចំនួនចែករំលែក 0
៦សន្លឹកនៅពីក្រោយការពិតដែល អែតវីន ក្លាយជាមនុស្សបែបហ្នឹង
ចន្លោះមិនឃើញ
ប៉ុន្មានថ្ងៃមកនេះកំលោះសង្ហា អែតវីន បានធ្វើឲ្យអ្នកគាំទ្រមួយចំនួនមានការភ្ញាក់ផ្អើល និងព្រួយបារម្ភយ៉ាងខ្លាំង ក្រោយពីឃើញរូបលោកប្រែប្រួលទៅជាមនុស្សម្នាក់ថ្មីមួយទៀតខុសប្រក្រតី ឬ ហៅថាមនុស្សឆ្កួត នៅលើផ្ទាំងផ្សព្វផ្សាយ។
អ្វីជាការព្រួយបារម្ភរបស់អ្នកគាំទ្រត្រូវបានកំលោះសង្ហា អែតវីន ចេញមុខបកស្រាយប្រាប់ Sabay ថា ចំពោះរឿងរ៉ាវកើតឡើងលើរូបលោកកន្លងមក គ្រាន់តែជាការសម្ដែងរឿងតែប៉ុណ្ណោះ ព្រោះក្នុងរឿងសាច់រឿងទាំងមូលតម្រូវឲ្យលោកដើរតួជាមនុស្សឆ្កួត។ ហេតុដូច្នេះហើយទើបតុបតែងខ្លួនយ៉ាងម៉េចធ្វើឲ្យសមដូចមនុស្សឆ្កួត។
ការសម្ដែងជាតួអង្គមនុស្សឆ្កួតនេះដែរ អែតវីន ជួបផលលំបាកច្រើន ដោយសារវាជាលើកដំបូងរបស់ខ្លួន ទោះបីជាមានផលលំបាកខ្លះក្នុងពេលថតរឿង តែលោកអាចធ្វើបាន មិនឱ្យផលិតករ និងអ្នកដឹកនាំរឿងទាស់ចិត្តឡើយ។
តួឯកប្រុសក្នុងរឿង "ក្រមុំបេះដូងដែកប៉ះអង្គរក្សចិត្តខ្លាំង" បាននិយាយថា៖" មានអារម្មណ៍ថាប្លែកបង ពីមុនខ្ញុំធ្លាប់សម្ដែងជាតួអង្គតុបតែងខ្លួនជាកំលោះសង្ហា ដល់ពេលរឿងនេះ តុបតែងខ្លួនតែមួយឈុតហ្នឹង"។
ទាក់ទង និងការតុបតែងខ្លួនជាមនុស្សឆ្កួត អែតវីន មានអារម្មណ៍ថាធុញថប់ជាពិសេសគឺពុកមាត់ និងពុកចង្កា បានធ្វើឲ្យលោកពិបាក និងស្អុះស្អាប់ពេលទទួលទានអាហារម្ដងៗ។ ទោះបីជាមានការធុញថប់ខ្លះក្ដីកំលោះសង្ហារូបនេះនៅតែសប្បាយចិត្ត ព្រោះខ្លួនរំពឹងថានៅពេលរឿងនេះដាក់បញ្ចាំងនៅរោងកុននឹងទទួលបានការគាំទ្រពីទស្សនិកជន ហើយកេរ្តិ៍ឈ្មោះលោកអាចល្បីបានថែមមួយកម្រិតទៀត៕
