- 2017-12-06 08:08:29
- ជីវិតតារា
ដួង ម៉ានិច រារែកនឹងគម្រោងចេញទៅកើបលុយធំនៅបរទេស
- 2017-12-06 08:08:29
- ចំនួនមតិ 0 | ចំនួនចែករំលែក 0
ដួង ម៉ានិច រារែកនឹងគម្រោងចេញទៅកើបលុយធំនៅបរទេស
ចន្លោះមិនឃើញ
តារាសម្ដែងកំពុងមានទីផ្សារកញ្ញា ដួង ម៉ានិច ហាក់បង្ហាញការស្ទាក់ស្ទើរ ចំពោះគម្រោងចេញកើបលុយធំនៅសហរដ្ឋអាមេរិក នាពេលខាងមុខ។ នេះដោយសារតែអ្នកធានានាំនាងទៅក្រៅប្រទេស មិនទាន់ផ្ដល់ព័ត៌មានច្បាស់ ខណៈទីផ្សារក្នុងស្រុកកំពុងមមាញឹកខ្លាំង។
ម្យ៉ាងការទទួលបានតំណែងថ្មី ក្នុងរឿងភាគខ្នាតធំ ”ដែនដីស្នេហ៍ អាថ៌កំបាំង” របស់ស្ថានីយទូរទស្សន៍ PNN កាលពីពេលថ្មីៗ ជាដើមចមដ៏ធំមួយទៀត ធ្វើឱ្យកញ្ញាកំពុងរារែកចិត្ត។
កញ្ញា ដួង ម៉ានិច និយាយថា ដំណឹងចេញទៅបរទេស ហាក់មិនច្បាស់លាស់បែបនេះហើយ ទើបកញ្ញាទទួលកុងត្រាថតខ្សែភាពយន្តជាបន្តបន្ទាប់។ កញ្ញាបន្តថា ជារឿងមួយគួរឱ្យសោកស្ដាយ ប្រសិនបើអ្នកចង់ធានានាង ចេញសម្ដែងនៅអាមេរិកជាលើកដំបូង មានដំណឹងល្អចន្លោះពី១ ទៅ ២ ខែខាងមុខ ព្រោះកញ្ញាជាប់ថតភាពយន្តឱ្យផលិតកម្មជាច្រើនរួចទៅហើយ ជាពិសេសផលិតកម្ម "ភូមិពេជ្រភាពយន្ត" ដែលកំពុងផលិតរឿងរយៈពេលយូរ គឺ "ដែនដីស្នេហ៍ អាថ៌កំបាំង” នេះ។
ប្រសិនបើរឿងនេះអាចកើតឡើងមែន អ្វីដែល ម៉ានិច ចង់បំផុតនោះ គឺការចង់ជួបពលរដ្ឋ ខ្មែរនៅក្រៅប្រទេស មិនមែនរឿងលុយកាកឡើយ។ កញ្ញាមានគម្រោងជាយូរមកហើយ ចំពោះការចេញទៅសម្ដែងក្រៅប្រទេស ក៏ប៉ុន្តែពេលវេលា និងឱកាស ហាក់មិនអំណោយផល។
នាពេលថ្មីៗកន្លងទៅ ម្ចាស់ផលិតកម្ម កេសារ៉ាភាពយន្ត អ្នកស្រី ស កេសារ៉ា បានសន្យា ថានឹងនាំតារាសម្ដែងរូបនេះ ទៅសម្ដែងក្រៅប្រទេសឱ្យបាន ប៉ុន្តែដំណឹងនេះចេះតែបាត់ពីមួយថ្ងៃទៅមួយថ្ងៃ ធ្វើឱ្យកញ្ញាសម្រេចចិត្តទទួលកុងត្រាថតភាពយន្តជាបន្តបន្ទាប់៕
