- 2017-12-09 04:30:00
- ជីវិតតារា
អេឡិច ហ្សូរ៉ា មិនបញ្ឈប់មហិច្ឆតាត្រឹមនេះ
- 2017-12-09 04:30:00
- ចំនួនមតិ 0 | ចំនួនចែករំលែក 0
អេឡិច ហ្សូរ៉ា មិនបញ្ឈប់មហិច្ឆតាត្រឹមនេះ
ចន្លោះមិនឃើញ
តារារូបសង្ហា និងមានភាពប៉ិនប្រសប់ក្នុងការសម្តែងទាំងកំប្លែង និងកម្សត់ អេឡិច ហ្សូរ៉ា បានកំណត់គោលដៅរបស់ខ្លួនយ៉ាងច្បាស់ថា លោកមានបំណងចង់ពង្រីកសមត្ថភាពជាផលិតករភាពយន្តមួយរូបក្នុងប្រទេសកម្ពុជា។
បើទោះជាពេលនេះលោកបានទទួលការនិយមគាំទ្រចំពោះសមត្ថភាពសម្ដែងក៏ពិតមែន តែ អេឡិច ហ្សូរ៉ា មិនបានបញ្ឈប់មហិច្ឆតាត្រឹមនេះទេ គឺលោកមានបំណងចង់ក្លាយជាអ្នកដឹករឿងលក្ខណៈកំប្លែង បន្ថែមទៀត។
តារាសម្តែងរូបសង្ហាម្នាក់នេះមានភាពជឿជាក់ ព្រោះលោកមានបទពិសោធន៍ធ្លាប់និពន្ធ និងដឹកនាំរឿងកន្លងមកដែរ។ អេឡិច ហ្សូរ៉ា ថា៖«បងចង់ឡើងមួយកម្រិតទៀត បងចង់ធ្វើជា director និង producer ដោយសារមួយរយៈមុន បងធ្លាប់ធ្វើ producer ឲ្យកម្មវិធីឲ្យប៉ុស្តិ៍ CTN មួយដែរ។ "កម្មវិធីសំណើចគ្រួសារ" វគ្គទី១ បងជាអ្នកដឹករឿងតែម្តង និងសរសេររឿង ហើយរឿងដែលបងចង់ដឹក គឺរឿងកំប្លែង បងចូលចិត្តសប្បាយ ហើយបងចង់ឲ្យគេសើចសប្បាយដែរ តែច្បាស់ជាមានរឿងមនោសញ្ចេតនាដែរ»។
ត្បិតមិនទាន់សម្រេចដូចបំណង តែ អេឡិច បានរៀបចំគម្រោងយ៉ាងច្បាស់ដើម្បីឈានទៅដល់គោលដៅមួយនេះ។ លោកបន្ថែមថា ពេលនេះដើម្បីជាការតបស្នងចំពោះការគាំទ្ររបស់ Fan លោកនឹងព្យាយាមរកគំនិតថ្មីបង្កើតរឿងល្អៗជូនទស្សនា៕
