- 2017-12-18 06:31:06
- ជីវិតតារា
លី តឺហួរ ទទួលសញ្ញាប័ត្របណ្ឌិតកិត្តិយសដ៏អស្ចារ្យក្នុងជីវិត
- 2017-12-18 06:31:06
- ចំនួនមតិ 0 | ចំនួនចែករំលែក 0
លី តឺហួរ ទទួលសញ្ញាប័ត្របណ្ឌិតកិត្តិយសដ៏អស្ចារ្យក្នុងជីវិត
ចន្លោះមិនឃើញ
ជាពេលវេលាមួយដ៏អស្ចារ្យ និងមានន័យបំផុតសម្រាប់តារាសម្ដែងហុងកុង Andy Lau (លី តឺហួរ) ដែលបានទទួលកិត្តិយសធំធេង បន្ទាប់ពីក្រាញននៀលតស៊ូក្នុងពិភពសិល្បៈ។
តារាប្រុសវ័យ ៥៦ឆ្នាំ រូបនេះ បានចូលរួមក្នុងពិធីប្រគល់សញ្ញាប័ត្រកាលពីថ្ងៃទី ១៤ ខែធ្នូ ឆ្នាំ ២០១៧ ហើយពេលនោះដែរ លោកក៏បានទទួលសញ្ញាប័ត្របណ្ឌិតកិត្តិយស ក្នុងការដែលលោកខិតខំរួមចំណែកក្នុងវិស័យសិល្បៈអស់រយៈជាច្រើនឆ្នាំមកនេះ ពីសាកលវិទ្យាល័យ Hong Kong Shue Yan។
ព្រឹទ្ធបុរសរបស់សាកលវិទ្យាល័យ នៃនាយកដ្ឋានសារព័ត៌មាន និងទំនាក់ទំនង លោកសាស្ត្រាចារ្យ Liang Tian Wei បានមានប្រសាសន៍ថា Andy បានប្រឹងអស់ពីកម្លាំងកាយ ចិត្តដើម្បីអាជីពមួយនេះ អស់រយៈជាច្រើនឆ្នាំ។ សាស្ត្រាចារ្យដដែលក៏បាន កោតសរសើរអស់ពីចិត្តចំពោះ តារាប្រុសរូបនេះ និងបានឲ្យឈ្មោះថាជា "ស្ដេចអាស៊ី” ដែលបានទាក់ទាញការចូលចិត្តពីមនុស្សជាច្រើននាក់។
ជាមួយគ្នានោះ តារាសម្ដែងដែលប្រជាជនកម្ពុជាស្គាល់ថាជា លី តឺហួរក៏បានឡើងថ្លែងពីអារម្មណ៍របស់ខ្លួន ដោយមិននិយាយអ្វីច្រើន ក្រៅពីអរគុណជាពិសេសដល់អ្នកគ្រប់គ្នា។
នេះជាកិត្តិយស មិនអាចកាត់ថ្លៃបាន សម្រាប់ Andy Lau ហើយក៏ជាពានរង្វាន់អស្ចារ្យថ្មីសម្រាប់ជីវិតដែលលោកទទួលបាន ក្នុងនាមជាតារាសម្ដែងមានអ្នកគាំទ្រច្រើនស្ទើរពាសពេញពិភពលោក៕
