- 2018-01-04 00:57:20
- ព័ត៌មាន
ម្ដាយតារាល្បី សារាយ សក្ខណា រងរឿងអាស្រូវធំៗ២ ជាបន្តបន្ទាប់
- 2018-01-04 00:57:20
- ចំនួនមតិ 0 | ចំនួនចែករំលែក 0
ម្ដាយតារាល្បី សារាយ សក្ខណា រងរឿងអាស្រូវធំៗ២ ជាបន្តបន្ទាប់
ចន្លោះមិនឃើញ
គិតចាប់ពីឆ្នាំ២០១៦មក អ្នកស្រី ផាន់ សម្ផស្ស ត្រូវជាម្ដាយរបស់តារាសម្ដែង សារ៉ាយ សក្ខណា បានទទួលរងរឿងអាស្រូវធំៗដ៏កក្រើកចំនួន២ ជាបន្តបន្ទាប់។
១. ត្រូវបានគេចោទថាជាម៉ែយ៉ែម
រឿងអាស្រូវទី១ កើតឡើងក្នុងអំឡុងខែ សីហា ឆ្នាំ២០១៦ មានពាក្យចចាមអារ៉ាមថា ម្ដាយរបស់តារាស្រីខាងលើ គឺជាម៉ែយ៉ែមដឹកនាំឲ្យតារាម៉ូដែល សូរ្យ អេណា ទៅដណ្ដើមប្តីគេ។
ទាក់ទងបញ្ហានេះ សាមីខ្លួនមិនបានផ្ដល់ការបកស្រាយឡើយ តែ សារាយ សក្ខណា ដែលជាកូនស្រីបានបង្ហោះសារ១ថាលើគណនី Facebook ថា "អំពើល្អដែល ខ្ញុំនិងម៉ាក់ខ្ញុំបានសាង សូមជួយថែរក្សាក្រុមគ្រួសារខ្ញុំ ហើយអ្នកដែលបង្ខូចឈ្មោះគ្រួសារខ្ញុំ សូមឲ្យអ្នកទទួលអ្វីដែលអ្នកបានធ្វើចុះ ទេវតាមានភ្នែក។ ខ្ញុំសូមអរគុណដល់អ្នកទាំងអស់គ្នា ដែលបានជឿជាក់ និងផ្ដល់កម្លាំងចិត្ត សូមឲ្យទេវតាតាមថែរក្សាអ្នកទាំងអស់!" ។
ក្រោយមកទៀត មានតារាវ័យស្រីក្មេងជាច្រើនដូចជា ឌុច លីដា នៅ សូនីតា សោភណ្ឌ លីនដា បានចេញមុខការពារ និងអះអាងជាបន្តបន្ទាប់ថាអ្នកស្រី ផាន់ សម្ផស្ស មិនមែនជាម៉ែយ៉ែមនោះទេ។ ផ្ទុយទៅវិញអ្នកស្រីជាមនុស្សល្អ និងចេះយកអាសាពួកនាងជារៀងដរាបមក។ ចំពោះ សូរ្យ អេណា ដែលជាប់ឈ្មោះក្នុងករណីនេះ មិនដែលចេញមុខបំភ្លឺម្ដងឡើយ។
២. ត្រូវបានគេរឹបអូនយកឡាន ព្រោះបំណុល
ចំណែកឯរឿងក្ដៅទី២ គឺបានផ្ទុះកាលម្សិលមិញនេះ ដោយមន្ត្រីតុលាការបានបង្ហើបថា ម្ដាយតារាស្រីដែលមានមុខជំនួញហាងកែសម្ផស្សដ៏ធំប្រចាំរាជធានីភ្នំពេញ និងមានជាម្ដាយក្មេកអនិកជនធ្វើការផ្នែកច្បាប់នេះ ជាប់ជំពាក់បំណុលរហូតដល់ទៅ៣ម៉ឺនដុល្លារអាមេរិក។ លើសពីនេះ អ្នកស្រី ថែមទាំងត្រូវភាគីម្ចាស់បំណុលឈ្មោះ ឃុត ស្រីមុំ ជាអ្នកចងការប្រាក់ រឹបអូសយករថយន្តម៉ាក ឡិចស៊ីស 470 ពណ៌ទឹកដោះគោ មានស្លាកលេខ 2AJ 5488 មកតម្កល់ទុកនៅតុលាការ។ នេះដោយសារ អ្នកស្រីខ្ចីលុយចំនួន៣ម៉ឺនដុល្លារ ហើយមិនសងទាំងដើម និងការប្រាក់ ជាយូរមកហើយ។
មកទល់ពេលនេះ អ្នកស្រីម្ដាយ សារាយ សក្ខណា នៅតែមិនអាចសុំការបំភ្លឺ ស្របគ្នាដែលរថយន្តដែលត្រូវបានតុលាការរឹបអូស ត្រូវបានទម្លាយថា នឹងបន្តតម្កល់ទុករហូតដល់មានដំណោះស្រាយ ឯអ្នកនាង សារាយ សក្ខណា ក៏មិនអាចសុំការបកស្រាយបានដូចគ្នា ដោយទូរស័ព្ទរបស់អ្នកនាងមិនហៅចូលបាន៕
អានលម្អិត៖ ម្តាយ សារ៉ាយ សក្ខណា ត្រូវម្ចាស់បំណុលរឹបអូសឡាន ព្រោះបំណុល៣ម៉ីនដុល្លារ
