Jessica និយាយពីវត្តមានក្នុងកម្មវិធី Cannes Film Festival និងការងារពេលអនាគតរបស់នាង

2018-05-17 05:05:28
ព័ត៌មាន

2018-05-17 05:05:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Jessica បានបង្ហាញខ្លួនក្នុងកម្មវិធី Cannes International Film Festival ដែលជាកម្មវិធីធំមួយប្រារព្ធធ្វើឡើងនៅប្រទេសបារាំង។

ក្រោយពីក្លាយខ្លួនជាតារាចម្រៀងដ៏ល្បី តារាចម្រៀងស្រីរូបនេះបានធ្វើការក្នុងផ្នែកផ្សេងៗទៀតជាច្រើន ជាពិសេសគឺផ្នែកម៉ូដសម្លៀកបំពាក់។ តារាចម្រៀង Jessica បានបង្កើតជំនួញច្នៃម៉ូដសម្លៀកបំពាក់មួយដែលមានឈ្មោះថា BLANC & ECLARE។

តារាចម្រៀងរូបនេះ បាននិយាយពីសកម្មភាពរបស់នាងជាច្រើន ចាប់តាំងពីនាងបានទៅដល់ប្រទេសបារាំងភ្លាម។ នាងនិយាយថា៖ "ខ្ញុំបានចូលរួមលសម្លៀកបំពាក់ និងបានចូលរួមការជួបជុំ និងថតរូបជាច្រើន"។ នាងនិយាយថា នាងមិនត្រឹមតែបានចូលរួមកម្មវិធីប៉ុណ្ណោះទេ ប៉ុន្តែនាងក៏ទទួលបានភាពរីករាយខ្លាំងផងដែរ"។

តារាចម្រៀងស្រីរូបនេះបានបន្ថែមថា៖ "គ្រាន់តែខ្ញុំចុះមកដល់ប្រទេសនេះភ្លាម ខ្ញុំបានទៅឆ្នេរសមុទ្រដើម្បីសម្រាកលំហែកាយ ហើយខ្ញុំក៏បានញ៉ាំគ្រឿងសមុទ្រដែលខ្ញុំចូលចិត្តផងដែរ។ អ្វីដែលទាក់ទាញចិត្តខ្ញុំខ្លាំងបំផុតនោះគឺ ចរិតរួសរាយ និងចិត្តល្អរបស់ប្រជាជនក្នុងប្រទេសនេះ"។

ក្រោយមក នៅពេលសួរពីគំនិតរបស់នាងលើការច្នៃម៉ូដ តារាចម្រៀង Jessica បាននិយាយថា៖ "ការច្នៃម៉ូដគឺជាការបង្ហាញពីខ្លួនរបស់យើង។ វាត្រូវតែមានភាពសប្បាយរីករាយ។ អ្នកត្រូវតែដឹងពីខ្លួនឯង និងពេញចិត្តនៅអ្វីដែលខ្លួនឯងបានធ្វើ។ ជាជាងរស់នៅជីវិតដែលរេទៅតាមសម្ដីអ្នកដទៃ វាសំខាន់ណាស់ក្នុងការជឿជាក់លើអ្វីដែលយើងបានស្ដាប់ពីខ្លួនឯង។ វាជាសច្ចភាពនៃជីវិតក្នុងការប្រើប្រាស់ការជឿជាក់ជាមូលដ្ឋានគ្រឹះ។ វាក៏សំខាន់ផងដែរក្នុងការមានទំនាក់ទំនងដ៏ស្មោះត្រង់ជាមួយមនុស្សដែលសំខាន់សម្រាប់អ្នកនោះ"។

កាលពីពេលថ្មីៗនេះ តារាចម្រៀង Jessica បានចុះកុងត្រាជាមួយផលិតកម្ម United Talent Agency ក្នុងគោលបំណងដើម្បីផ្សព្វផ្សាយខ្លួននាងផ្ទាល់នៅក្រៅប្រទេស។ នាងបានបន្ថែមថា៖ "បច្ចុប្បន្ននេះ ខ្ញុំកំពុងពិភាក្សាលើការផ្សព្វផ្សាយក្រៅប្រទេសរបស់ខ្ញុំ។ ខ្ញុំគិតថាខ្ញុំនឹងទទួលបានដំណឹងល្អឆាប់ៗនេះ។ ម៉ាកជំនួញរបស់ខ្ញុំក៏កំពុងតែសហការជាមួយនឹងក្រុមផ្សេងៗទៀត ដូច្នេះហើយ BLANC & ECLARE នឹងអាចដំណើរការតាមផ្នែកផ្សេងៗទៀតឆាប់នេះ"៕

ប្រភព៖ Soompi ប្រែសម្រួល៖ អន សុភក្ត្រា