ចប់បាត់ សំដី Bella បែបនេះ John Cena អាចចុកឈាមទេដឹង?

2018-07-04 13:10:17
ព័ត៌មាន

2018-07-04 13:10:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចដែលប្រិយមិត្តធ្លាប់ដឹងមកហើយ នាពេលកន្លង John Cena បានបញ្ជាក់ពីការវិលមកផ្សារភ្ជាប់ទំនាក់ទំនងរយៈពេល៦ឆ្នាំ ជាមួយអតីតគូស្នេហ៍ ក្រោយពួកគេបានបែកគ្នាមួយ ដោយកីឡាកាសរូបនេះ ថែមទាំងបង្ហើបពីផែនការរៀបការទៀតផង។ តែឥឡូវនេះភាគខាងស្រីបានឆ្លើយតបវិញហើយ ជុំវិញទំនាក់ទំនងបច្ចុប្បន្នរបស់ពួកគេ។

ជុំវិញទំនាក់ទំនងរបស់តារាប្រុស ស្រីទាំងពីរ អ្នកគាំទ្រដែលជាសាក្សីនៃការវិលមកជួបជុំគ្នារបស់ពួកគេ ហាក់បានយល់ច្រឡំអំពីទំនាក់ទំនងនាពេលបច្ចុប្បន្នរបស់ពួកគេ ទន្ទឹមនឹងកម្មវិធី "Totla Bella" បច្ចុប្បន្នកំពុងបង្ហាញពីការវិលមកជានារបស់ពួកគេ។ នោះជាមូលហេតុដែល Nikki សម្រេចចេញមកបញ្ជាក់ឲ្យច្បាស់ជុំវិញបញ្ហានេះ។

តាមរយៈវីដេអូឃ្លិបខ្លីមួយនៅលើ Youtube ភាគីខាងស្រី បានបញ្ជាក់ថា រវាងនាង និងបុរសសាច់ដុំ John Cena គ្រាន់តែជាមិត្តនឹងគ្នាប៉ុណ្ណោះ។ "ខ្ញុំទទួលថា ពួកយើង បាន និងកំពុងមានទំនាក់ទំនងដ៏អស្ចារ្យនឹងគ្នា។ ប៉ុន្តែខ្ញុំគិតថា អ្នកទាំងឡាយអាចពិបាកនឹងយល់។ ពួកយើងគ្រាន់តែសម្ដែងក្នុងរឿង...ដូច្នេះខ្ញុំគិតថា រឿងរ៉ាវទាំងឡាយនឹងដឹងច្បាស់នៅប៉ុន្មានខែបន្ទាប់"។

ខាងស្រី បន្តថា "ខ្ញុំដឹងថា គ្រប់គ្នាគិតពីពួកយើងថា តើពួកយើងទាំងពីរត្រូវរ៉ូវគ្នា ឬក៏អត់ទេ? ដូច្នេះហើយដោយសារតែ ខ្ញុំជាមនុស្សម្នាក់របស់មហាជន ខ្ញុំគិតថាខ្ញុំត្រូវតែនិយាយអ្វីដែលជាការពិតរវាង ចន និង ខ្ញុំ។ ឥឡូវនេះយើងគ្រាន់តែជាមិត្តភ័ក្ដិប៉ុណ្ណោះ!"។

ទោះជាបែបនេះក្ដី មិនទាន់មានន័យថា រឿងរ៉ាវស្នេហាមួយនេះដល់ទីបញ្ចប់ទៅហើយនោះទេ ខណៈបងប្អូនភ្លោះរបស់ Bella បញ្ជាក់ថា នាងនៅតែមានក្ដីសង្ឃឹមចំពោះទំនាក់ទំនងរបស់ពួកគេនាថ្ងៃអនាគត។

John Cena និង Nikki Bella ធ្លាប់មានទំនាក់ទំនងនឹងគ្នារយៈពេល ៦ឆ្នាំ ប៉ុន្តែត្រូវបានបញ្ចប់ត្រឹមតែពិធីភ្ជាប់ពាក្យកាលពីប៉ុន្មានខែមុន ព្រោះតែខ្វែងគំនិតគ្នាលើការចង់បានកូននេះ ពោលគឺខាងស្រីចង់បាន តែខាងប្រុសមិនយល់ព្រម។ បន្តិចក្រោយមក ខាងប្រុសបានប្ដូរចិត្តវិញ ដោយសុខចិត្តស្របតាមមិត្តស្រី ជាថ្នូរនឹងការជានាគ្នាជាថ្មី មុនពេល Bella ចេញមុខមកនិយាយនៅថ្ងៃនេះថា ពួកគេគ្រាន់តែជាមិត្ត៕

ប្រភព៖ Eonline | Today ប្រែសម្រួល៖ ទារិកា