- 2018-07-19 02:22:42
- ព័ត៌មាន
BTS និង Luhan នឹងមានមុខរួមគ្នាក្នុងបទចម្រៀងត្រៀមជាពិសេសឧទ្ទិសដល់ Michael Jackson
- 2018-07-19 02:22:42
- ចំនួនមតិ 0 | ចំនួនចែករំលែក 0
BTS និង Luhan នឹងមានមុខរួមគ្នាក្នុងបទចម្រៀងត្រៀមជាពិសេសឧទ្ទិសដល់ Michael Jackson
ចន្លោះមិនឃើញ
ក្រុមចម្រៀង BTS និងតារាចិន Luhan ត្រូវបានអញ្ជើញជាពិសេសចូលរួមក្នុងបទចម្រៀងដែលធ្វើឡើងសម្រាប់ឧទ្ទិសដល់ Michael Jackson គម្រប់ ៦០ឆ្នាំ និងគ្រោងចេញនៅថ្ងៃទី ២៩ ខែសីហា ចំថ្ងៃកំណើតរបស់ស្ដេចចម្រៀងប៉ុបរូបនេះតែម្ដង។
លោក Jerry Greenberg អតីតម្ចាស់ផលិតកម្ម MJJ Music ដែលស្គាល់ថាជាផលិតកម្ម Michael Jackson ធ្លាប់ថតចម្រៀងឲ្យ បានរួមសហការជាមួយតារាល្បីៗជាច្រើនអស់រយៈពេលជាង ១០ឆ្នាំមកហើយ។
ដើម្បីរក្សាស្នាដៃដ៏មានតម្លៃរបស់ស្ដេចចម្រៀងប៉ុបនេះ Jerry បានអញ្ជើញតារាមកពីជុំវិញពិភពលោក មករួមគ្នាច្រៀងបទចម្រៀងពិសេសមួយបទ ដើម្បីឧទ្ទិសដល់ MJ ហើយក្នុងនោះក៏នឹងមានវត្តមាន BTS និង Luhan ដែរ។
ទាំងនេះជាសម្រង់សម្ដីរបស់ Jerry Greenberg៖ "Michael Jackson នៅតែបន្តមានឥទ្ធិពលដល់តារាជាច្រើននៅទូទាំងពិភពលោកទាំងមូល ដូចនេះខ្ញុំក៏បានអញ្ជើញតារាល្បីលំដាប់សកលលោកមករួមគ្នាក្នុងគម្រោងដ៏ពិសេសនេះ ក្នុងចំណោមអ្នកទាំងនោះក៏រួមមានទាំង BTS និងតារាចិន Luhan ដែរ។ ក្ដីសង្ឃឹមរបស់ខ្ញុំ គឺដើម្បីរក្សាកេរ្តិ៍ដំណែលមួយនេះឲ្យនៅស្ថិតស្ថេរជាអមតៈ សម្រាប់ក្មេងជំនាន់ក្រោយៗទៀត ហើយគម្រោងនេះទៀតសោត ក៏អបអរភាពអស្ចារ្យរបស់ Michael ដែលបានបញ្ជ្រាបចូលក្នុងតន្ត្រី និងក្បាច់រាំផងដែរ”៕
ទស្សនាវីដេអូខាងក្រោម៖