- 2018-07-21 06:12:06
- ព័ត៌មាន
ឈិន ឡុង រិះគន់តារាក្មេងៗជំនាន់ក្រោយចំៗ ថាមានអត្តចរិតមិនល្អអំឡុងពេលធ្វើការ
- 2018-07-21 06:12:06
- ចំនួនមតិ 0 | ចំនួនចែករំលែក 0
ឈិន ឡុង រិះគន់តារាក្មេងៗជំនាន់ក្រោយចំៗ ថាមានអត្តចរិតមិនល្អអំឡុងពេលធ្វើការ
ចន្លោះមិនឃើញ
កាលពីថ្ងៃទី ១៩ ខែកក្កដានេះ តារាសម្ដែងចិនដ៏ល្បីឈ្មោះ Jackie Chan (ឈិន ឡុង) បានធ្វើកិច្ចសម្ភាសន៍ខ្លីមួយជាមួយអ្នកសារព័ត៌មាន។ ក្នុងកិច្ចសម្ភាសន៍នោះដែរ តារាសម្ដែងរូបនេះ បាននិយាយរិះគន់តារាសម្ដែងវ័យក្មេងមួយរូបដែលធ្វើអត្តចរិតមិនល្អអំឡុងពេលកំពុងបំពេញការងារ។
តារាសម្ដែង ឈិន ឡុងបាននិយាយថា មានតារាសម្ដែងវ័យក្មេងជាច្រើន ចូលចិត្តចាំឲ្យតែដល់ម៉ោងបានលេងទូរស័ព្ទ ត្រឡប់ទៅបន្ទប់វិញ ចូលក្នុងឡាន ឬក៏ទៅណាក៏មិនដឹង ស្រាប់តែបាត់ខ្លួនតែម្ដង។ តារារូបនេះបានបន្តទៀតថា៖ "អំឡុងពេលកំពុងថត គេបានទុកទូរស័ព្ទចោលហើយទៅថត ប៉ុន្តែ ក្រោយអ្នកដឹកនាំរឿងបានស្រែកថា "Cut” ភ្លាម គេឱនក្បាលគោរព ហើយទៅកាន់ទូរស័ព្ទចុចភ្លែត។ អាកប្បកិរិយានេះគឺមិនល្អទាល់តែសោះអំឡុងពេលបំពេញការងារ។ ពេលខ្លះ ខ្ញុំពិតជាទប់អារម្មណ៍មិនចង់បាន ចង់តែប្រកាសឈ្មោះរបស់គេជាសាធារណៈនោះទេ" តែចុងក្រោយ លោកក៏បានទុករូបរបស់តារាសម្ដែងនោះចុះវិញ ដោយមិនបានបង្ហាញទៅកាន់អ្នកសារព័ត៌មានឡើយ។
ជាមួយនឹងបទពិសោធរាប់ឆ្នាំរបស់លោកក្នុងវិស័យមួយនេះ តារាសម្ដែង Jackie Chan បាននិយាយថា អំឡុងពេលសម្រាកពីការថតភ្លាម លោកតែងតែអានប៉ារូល ហើយពិភាក្សាគ្នារកវិធីសាស្ត្រដើម្បីទន្ទេញឲ្យឆាប់ចាំ រួមនឹងសិក្សាពីជ្រុងនៃកាមេរ៉ាដើម្បីថតឲ្យទទួលបានលទ្ធផលល្អ។ ហេតុដូចនេះហើយ ទើបរាល់ការសម្ដែងរបស់លោក មិនដែលត្រូវការតួអង្គជំនួសនោះទេ។ មួយវិញទៀត លោកក៏បានបញ្ជាក់ដែរថា លោកបានផ្ដល់ជាដំបូន្មានដល់តារាសម្ដែងក្មេងជំនាន់ក្រោយ កុំឲ្យឧស្សាហ៍ទៅបន្ទប់ ឬក៏ចុចទូរស័ព្ទច្រើនពេកអំឡុងពេលធ្វើការ ប៉ុន្តែពួកគេទាំងនោះមិនយកចិត្តទុកដាក់ស្ដាប់សម្ដីលោកនោះឡើយ៕