- 2018-07-25 12:13:39
- ព័ត៌មាន
គួរឲ្យភ្ញាក់ផ្អើល ប្រុសសង្ហា Taecyeon ចាកចេញពី JYP Entertainmentហើយ!
- 2018-07-25 12:13:39
- ចំនួនមតិ 0 | ចំនួនចែករំលែក 0
គួរឲ្យភ្ញាក់ផ្អើល ប្រុសសង្ហា Taecyeon ចាកចេញពី JYP Entertainmentហើយ!
ចន្លោះមិនឃើញ
ព័ត៌មាននៅថ្ងៃនេះនៅប្រទេសកូរ៉េខាងត្បូង តារាប្រុសស្អាត Taecyeon សមាជិក 2PM បានចាកចេញពី JYP Entertainment ហើយ និងបានចុះហត្ថលេខាជាមួយភ្នាក់ងារថ្មីរួចស្រេចហើយដែរ គឺ 51K។
ជាមួយគ្នានេះ 51K ក៏បានប្រកាសជាផ្លូវការដូចគ្នា ដោយសូមស្វាគមន៍ Taecyeon ចូលទៅក្នុងជួរតារាសម្ដែងដ៏មានទេពកោសល្យរបស់ខ្លួន រួមជាមួយ So Ji Sub និងតារាសម្ដែងវ័យកុមារ Lee Hyo Je ។
51K បានសរសេរថា "តារាចម្រៀង និងជាតារាសម្ដែង Taecyeon បានក្លាយជាសមាជិកគ្រួសារថ្មីរបស់យើងហើយ។ ពួកយើងពិតជារីករាយខ្លាំងដែលបានធ្វើការជាមួយ គេ ជាបុគ្គលដែលត្រូវបានទទួលស្គាល់ថា សិល្បករដ៏អស្ចារ្យបំផុតកាលនៅជាមួយ 2PM។ រូបគេ ក៏ជាតារាសម្ដែងដ៏មានសក្ដានុពលម្នាក់ផងដែរ"។
ងាកទៅអតីតទ្រនំរបស់ Taecyeon គឺ JYP Entertainment វិញ បានបញ្ជាក់ដែរថា បើទោះជាពេលនេះ តារាប្រុសរូបនេះបានក្លាយជាសមាជិកថ្មីរបស់ស្ថាប័នផ្សេងក៏ពិតមែន ប៉ុន្តែរូបគេនៅតែជាផ្នែកមួយនៃរបស់ 2PM ដដែល។ នេះបើតាម គណៈគ្រប់គ្រងការផ្សព្វផ្សាយរបស់ 2PM។
នៅពេលបច្ចុប្បន្ន Taecyeon កំពុងជាប់កាតព្វកិច្ចយោធា។ តាមការប៉ាន់ប៉ុន្មានទុក លោក គ្រោងនឹងផុតកាតព្វកិច្ចបម្រើជាតិនៅរង្វង់ខែមិថុនាឆ្នាំក្រោយ៕