ដល់ក គ្រាន់លេង Style ប្លែកបន្តិច សមាជិករបស់ Twice ត្រូវគេរិះគន់យ៉ាងចាស់ដៃ

2018-11-01 13:54:05
ព័ត៌មាន

2018-11-01 13:54:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ Twice បានអបអរពិធីបុណ្យ Halloween និងខួប៣ឆ្នាំរបស់ក្រុម ជាមួយ ONCE នៅឯកម្មវិធីជួបជុំអ្នកគាំទ្ររបស់ពួកគេក្នុងឱកាសនៃបុណ្យខាងលើ ជាវេលាដែលសមាជិកម្នាក់ បានទទួលការរិះគន់ពីអ្នកគាំទ្រ ចំពោះការស្លៀកពាក់របស់នាង។

នៅក្នុងឱកាសនោះ សមាជិកនីមួយៗ បានបង្ហាញពីការស្លៀកពាក់ និងតុបតែងខ្លួនប្លែកៗ ស៊ីនឹងព្រឹត្តិការណ៍ Halloween ដើម្បីឲ្យកម្មវិធីកាន់តែក្លៀវក្លា។ ងាកមកសំលៀកបំពាក់របស់ Jihyo ឯណេះវិញ បានក្លាយជាប្រធានបទក្ដៅគគុកក្នុងចំណោមអ្នកគាំទ្រ ដោយសារតែនាងបានស្លៀករ៉ូបពណ៌ត្នោត បន្សីគ្នានឹងអាវរោមសត្វដែលមានពណ៌ស្រដៀងគ្នា។

បន្ថែមពីលើនេះ នាងក៏បានគូរនូវសញ្ញាផ្សេងៗនៅមុខរបស់នាងផងតាមរបៀបស្ត្រីជនជាតិដើមអាមេរិក។ ប៉ុន្តែអ្នកគាំទ្រយល់ថា នាងចង់ធ្វើឲ្យដូចនឹងតួអង្គគំនូរជីវចល ម្ចាស់ក្សត្រី Mononoke ប៉ុន្តែការច្នៃម៉ូដ នៅមិនទាន់ល្អឥតខ្ចោះ។ យ៉ាងនេះក្ដី Jihyo បានបដិសេធក្នុងវីដេអូមួយថា នាងមិនមែនជា Mononoke ទេ តែជាស្ត្រីជនជាតិដើមឥណ្ឌា Jihyo។

Now look I'm not getting mad at Jihyo nor @JYPETWICE , but somebody needs to apologize because as a native/once I don't know how to feel about this, look at the resemblance, I need to know the backstory of this. Note: I am a once and I will continue to stan/love Twice❤. pic.twitter.com/VIhW6Kh34g
— Ice (@Ice73604953) October 29, 2018

អ្នកគាំទ្រម្នាក់បានបញ្ចេញយោបល់ថា "ការស្លៀកពាក់ជានារីជនជាតិដើមអាមេរិកបែបនេះ ខណៈនាងមិនមែនជាជនជាតិនោះ គឺជាការទទួលយកវប្បធម៌របស់គេ។ ដូច្នេះបញ្ឈប់ទង្វើនេះ វប្បធម៌របស់ពួកយើងមិនមែនជាសំលៀកបំពាក់របៀបនេះឡើយ ឈប់ទៅ ឆ្នាំ ២០១៨ ហើយ"។

ជុំវិញបញ្ហានេះ ក្រុមអ្នកគាំទ្រ បានសន្និដ្ឋានថា Jihyo និងអ្នកច្នៃម៉ូដរបស់នាង ទំនងជាមិនបានយល់ដឹងពីបញ្ហានេះ។ ដូច្នេះហើយ ពួកគេបានចាប់ផ្ដើមយុទ្ធនាការផ្ញើសារជាអង់គ្លេសផង កូរ៉េផង ទៅផលិតកម្ម JYP Entertainment ពីរឿងដែលកើតឡើង និងស្នើសាមីខ្លួនផង ចេញមកសុំទោស ព្រមទាំងចៀសវាងបញ្ហាដដែលនាពេលបន្ទាប់ទៀត៕

ប្រភព៖ Koreaboo ប្រែសម្រួល៖ ទារិកា