- 2018-12-15 00:54:26
- ព័ត៌មាន
អបអរសាទរ ព្រំ សិលា ក្លាយជាប្រធានសមាគមភាពយន្តកម្ពុជា ខណៈ លៀក លីដា ជាអនុប្រធាន
- 2018-12-15 00:54:26
- ចំនួនមតិ 0 | ចំនួនចែករំលែក 0
អបអរសាទរ ព្រំ សិលា ក្លាយជាប្រធានសមាគមភាពយន្តកម្ពុជា ខណៈ លៀក លីដា ជាអនុប្រធាន
ចន្លោះមិនឃើញ
ក្រោយពីលោក ឆាយ បូរ៉ា ប្រកាសលាលែងពីតំណែងជាប្រធានសមាគមភាពយន្តកម្ពុជាដោយមូលហេតុសុខភាព និងមានភារកិច្ចផ្ទាល់ខ្លួនត្រូវបំពេញជាចាំបាច់រួចមកសមាគមភាពយន្តបានធ្វើការបោះឆ្នោតជ្រើសរើសប្រធាន និងអនុប្រធានជាថ្មីម្ដងទៀតកាលពីថ្ងៃទី១២ ខែធ្នូ ឆ្នាំ២០១៨ កន្លងទៅក្រោមអធិបតីភាពឯកឧត្តម ស៊ិន ចាន់សៃយ៉ា ទីប្រឹក្សាក្រសួងវប្បធម៌ និងវិចិត្រសិល្បៈ។
បើតាមទំព័រហ្វេសប៊ុកសមាគមភាពយន្តឲ្យដឹងថា បេក្ខភាពដែលឈរឈ្មោះបោះឆ្នោតមានចំនួន៥រូបមកពីស្ថាប័នដែលទាក់ទងនឹងវិស័យភាពយន្តរួមមាន៖
១. លោក ជុំ សុភា ម្ចាស់ផលិតកម្មរាហ៊ូ ២. លោក លៀក លីដា ម្ចាស់ផលិតកម្ម LD Pictures ៣. លោក អ៊ិន សុភិន ម្ចាស់ផលិតកម្មមហាហង្ស ៤. លោក ហ៊ុយ យ៉ាឡេង ម្ចាស់ផលិតកម្មមាតុចក្រ ៥. លោកព្រំ សិលា ម្ចាស់ក្រុមហ៊ុនចែកចាយភាពយន្ត ឯករាជ្យ។
ឆ្លងតាមរបៀបវារៈនៃការបោះឆ្នោតរបស់អង្គប្រជុំរួចមកឃើញថាលទ្ធផលបានទៅលើលោក ព្រំ សិលា ជាប្រធានសមាគមភាពយន្តថ្មីដោយមានសំឡេងគាំទ្រ ១២ លើ១៨សំឡេង ខណៈលោក លៀក លីដា ម្ចាស់ផលិតកម្មLD ជាអនុប្រធានសមាគមភាពយន្តថ្មី។
គួររម្លឹកថាលោក ព្រំ សិលា ដែលជាប់ឆ្នោតជាប្រធានសមាគមភាពយន្តថ្មីនេះលោកគឺជាអ្នកចែកចាយ និងផ្សព្វផ្សាយភាពយន្តក្នុងស្រុកដ៏ល្បីឈ្មោះមួយរូបមានដូចជារឿង “ធ្មប់” “កំពូលអ្នកថតរូបSelfie” “វិប្បលាស” “បាតដៃខ្មៅ” និងរឿង “ស្នូរជើងអ្នកណា” ជាដើម។ ឯលោក លោក លៀក លីដា ទើបតែទទួលបានតំណែងជាអនុប្រធានថ្មីលោកគឺជាម្ចាស់ផលិតកម្មLD Pictures ដែលជាផលិតកម្មមួយផលិតកម្មភាពយន្តខ្នាតធំបានច្រើនជាងគេជារៀងរាល់ឆ្នាំ៕
រូបថត៖ពីផេក សមាគមភាពយន្តកម្ពុជា