- 2019-02-02 03:02:42
- ព័ត៌មាន
អស្ចារ្យមែន! មុនថ្ងៃខួបកំណើតមកដល់ថ្ងៃនេះ សុឃីម សម្រេចបានសមិទ្ធផលគ្រាក់ៗជាច្រើន
- 2019-02-02 03:02:42
- ចំនួនមតិ 0 | ចំនួនចែករំលែក 0
អស្ចារ្យមែន! មុនថ្ងៃខួបកំណើតមកដល់ថ្ងៃនេះ សុឃីម សម្រេចបានសមិទ្ធផលគ្រាក់ៗជាច្រើន
ចន្លោះមិនឃើញ
ខាត់ សុឃីម បានឈានដល់វ័យ ៤០ឆ្នាំហើយ គិតត្រឹមថ្ងៃទី ២ ខែកុម្ភៈ ២០១៩ នេះហើយ ដោយក្នុងនោះ ពិតមិនធម្មតាឡើយ នាងសម្រេចបានសមិទ្ធផលធំៗមួយចំនួន រាប់ចាប់តាំងពីចុងឆ្នាំ ២០១៨ មកដល់ដើមឆ្នាំ ២០១៩នេះ ជាកាដូសម្រាប់ថ្ងៃពិសេសរបស់ខ្លួន។
១.រថយន្តស៊េរីប្រណិត Mercedes Benz៖ សុឃីម ទើបបានទិញចូលរថយន្តប្រណិត Mercedes Benz ដ៏ប្រណិតមួយគ្រឿងស៊េរីឆ្នាំ ២០១៥ ដែលទើបនឹងមកដល់នាថ្ងៃម្សិលមិញប៉ុណ្ណោះ ក៏ជាថ្ងៃដែលនាងបើគម្រោងជំនួញធំនៅខេត្តជាប់មាត់សមុទ្រផង។ តារាប្រជាប្រិយប្រាប់ថា នេះជាប្រភេទរថយន្តដែលស្រឡាញ់បំផុត និងកាដូរបស់ស្វាមីនាងសម្រាប់ថ្ងៃពិសេសនេះ។
“ដំបូងប្ដីខ្ញុំគាត់ចង់ឲ្យជិះឡិចស៊ីសទេ ប៉ុន្តែដើរមើលច្រើនហើយមិនត្រូវ ក៏មកត្រូវ Mercedes នេះ វាស្អាត ទំនើបណាស់ ម្យ៉ាងវាតូច និងទាបល្មមសមនឹងខ្ញុំ រួមទាំងពណ៌ផង គឺស្រឡាញ់ខ្លាំងហ្មង!”។ Mercedes Benz ស៊េរីប្រណិតរបស់ ខាត់ សុឃីម មានតម្លៃ ជាង ៧ម៉ឺនដុល្លារអាមេរិកឯណោះ។
២.ហក់ចូលវិនិយោគជំនួញអចលនទ្រព្យលើកដំបូងបំផុត៖ ខាត់ សុឃីម បានធ្វើឲ្យការចាប់អារម្មណ៍ខ្លាំង ក្រោយប្រកាសបើកគម្រោងដីឡូតិ៍នៅខេត្តព្រះសីហនុនាថ្ងៃម្សិលមិញនៅភូមិ ឃុំ អូរឧកញ៉ាហេង ស្រុកព្រៃនប់។ នេះជាការឈានជើងថ្មីបំផុត ក្នុងនាមជាពាណិជ្ជករដីធ្លីផ្លូវការ ខណៈកន្លងមកគេដឹងថា នាងមានដីច្រើនកន្លែងនៅតាមបណ្ដាខេត្ត និងរាជធានី។
ជំហានថ្មីនេះ សុឃីម ចាប់ដៃជាមួយមិត្តពីកុមារភាពលោក ម៉េន ហ្គានី និងលោក ឆាយ វីរៈយុទ្ធ ដោយបានបោះទុនវិនិយោគរួមគ្នាប្រមាណ ២លានដុល្លារអាមេរិកឯណោះ។
៣.សំណង់ផ្ទះល្វែងសម្រាប់ជួល៖ ងាកទៅឆ្នាំចាស់ ដែលទើបផ្លាស់ចូល ២០១៩ ថ្មីៗ តារាស្រីមកពីភ្នំបាសិត ក៏ទើបនឹងបង្ហើយការសាងសង់សំណង់អគារធំមួយសម្រាប់ជួលផងដែរនៅតំបន់ស្ទឹងមានជ័យ។ សំណង់អគារសម្រាប់ជួលនេះ ត្រូវបានបែកចែកជាបន្ទប់ៗ សរុបទាំងអស់មានជាង ៥០បន្ទប់។ តម្លៃអគារ មានតម្លៃប្រមាណជាង ១០ម៉ឺនដុល្លារឯណោះ ប៉ុន្តែតម្លៃដី មិនត្រូវបានបញ្ចេញឲ្យដឹងនោះទេ។
ទាំងអម្បាលមានខាងលើ មិនទាន់រាប់បញ្ចូលដីនៅបុរីកាំងម៉េង នៅតំបន់បឹងតាមោក កំពត ជាដើមផង ដែលនាងធ្លាប់បានប្រកាសលក់ក្នុងតម្លៃចាប់ពី ជាង១០ម៉ឺនដុល្លារ រហូតទៅដល់ជាង ៤០ម៉ឺនដុល្លារអាមេរិកនោះផង បូករួមទាំងផ្ទះ និងដីច្រើនកន្លែងទៀត៕
