- 2019-03-06 08:11:58
- ព័ត៌មាន
ក្ដៅ!!!...តារាសម្ដែង ចេញមុខបកស្រាយ ក្រោយរងការព្រមានធ្ងន់ៗ ពីអ្នកនាំពាក្យអគ្គនាយកដ្ឋានពន្ធនាគារ
- 2019-03-06 08:11:58
- ចំនួនមតិ 0 | ចំនួនចែករំលែក 0
ក្ដៅ!!!...តារាសម្ដែង ចេញមុខបកស្រាយ ក្រោយរងការព្រមានធ្ងន់ៗ ពីអ្នកនាំពាក្យអគ្គនាយកដ្ឋានពន្ធនាគារ
ចន្លោះមិនឃើញ
ក្រោយពីបង្ហោះវីដេអូស្លៀកពាក់របៀបអ្នកទោសលេងសើចលើបណ្ដាញសង្គម រហូតដល់អ្នកនាំពាក្យ អគ្គនាយកដ្ឋានពន្ធនាគារ លោក នុត សាវណា ចេញព្រមានចំៗថានឹងប្រើយន្តការផ្លូវច្បាប់នោះ តារាសម្ដែងជើងថ្មីម្នាក់ បានចេញបកស្រាយហើយនៅប៉ុន្មាននាទីមុននេះ។
តារាសម្ដែងនោះមានឈ្មោះថា អ៊ុក សុធារ័ក្ស ជាតារាសម្ដែង និងដើរម៉ូដ។ សុធារ័ក្ស ចេញមុខមកតែប៉ុន្មានម៉ោងប៉ុណ្ណោះ បន្ទាប់ពីអ្នកនាំពាក្យខាងលើបានប្រតិកម្មខ្លាំងៗ។ លោក និងមិត្តភ័ក្ដិទៀត ដែលមានមុខក្នុងវីដេអូលេងសើចនោះ បានបញ្ចេញឲ្យដឹងថា ពួកគេគ្មានចេតនាណាមួយ ក្នុងការធ្វើឲ្យប៉ះពាល់ដល់អគ្គនាយកដ្ឋានពន្ធនាគារនោះ។
តារាសម្ដែងបន្តថា អ្វីដែលពួកគេបានធ្វើ គឺគ្រាន់តែក្នុងចេតនាកម្សាន្តសប្បាយតែប៉ុណ្ណោះ ដោយមិននឹកគិតថា អាចនឹងមានការប៉ះពាល់ដូច្នេះឡើយ។ "ពេលនោះ គឺពួកខ្ញុំសម្ដែងរឿង ដោយគេតម្រូវឲ្យស្លៀកឈុតបែបនេះ ហើយពេលទំនេរក៏ថតលេងបង្ហោះលើ Tik Tok មិននឹកស្មានថា នឹងមានរឿងបែបនេះឡើយ"។
សុធារ័ក្ស និងមិត្តភ័ក្ដិ២នាក់ទៀត បានស្លៀកពាក់អ្នកទោសនៅពន្ធនាគារ ហើយបានរាំព្រមគ្នារបៀបលេងសើច ហើយយកវីដេអូនោះបង្ហោះលើហ្វេសប៊ុក។ ក្រោយឃើញវីដេអូខ្លីនោះ លោក នុត សាវណា អ្នកនាំពាក្យ អគ្គនាយកដ្ឋានពន្ធនាគារ បានចេញមកថ្កោលទោស និងបានហៅថាសកម្មភាពរបស់តារាសម្ដែង ថាជាទង្វើឆ្កួតលីលា និងធ្វើឲ្យប៉ះពាល់ដល់កិច្ចប្រឹងប្រែងរបស់ពន្ធនាគាទូទាំងប្រទេស ដែលកំពុងតែអនុវត្តតាមបទបញ្ជារបស់រាជរដ្ឋាភិបាល បញ្ឈប់ឲ្យមានការប្រើប្រាស់ទូរសព្ទ។ ការណ៍នេះ លោកថា នឹងធ្វើឲ្យមានការភ័ន្តច្រឡំពីសាធារណជន។
លោក សាវណា សង្កត់ធ្ងន់ថា “យើងនឹងចាត់វិធានការផ្លូវច្បាប់ បើបុគ្គលនេះមិនចេញមុខមកសុំទោស និងធ្វើសេចក្តីបំភ្លឺជាសាធារណៈ"។ បន្ទាប់ពីនេះតែប៉ុន្មានម៉ោងប៉ុណ្ណោះ សុធារ័ក្ស និងមិត្តភ័ក្ដិបានចេញមកស្រាយបំភ្លឺ ព្រមទាំងសុំទោសសាធារណជនផង។ "ឲ្យពួកខ្ញុំសុំទោសបងប្អូន ពួកខ្ញុំពិតជាគ្មានចេតនានោះ ដូច្នេះពួកខ្ញុំសុំទោសបងប្អូនទាំងឡាយ ពិសេសបងអ្នកនាំពាក្យអគ្គនាយកដ្ឋានពន្ធនាគារ ឲ្យពួកខ្ញុំសុំទោស!”។