- 2019-05-23 03:14:02
- ព័ត៌មាន
នៅក្មេងខ្ចីក៏ពិតមែន តែ ជូលី មានគំនិតគិតគូរបានវែងឆ្ងាយណាស់ គួរឲ្យសរសើរ!
- 2019-05-23 03:14:02
- ចំនួនមតិ 0 | ចំនួនចែករំលែក 0
នៅក្មេងខ្ចីក៏ពិតមែន តែ ជូលី មានគំនិតគិតគូរបានវែងឆ្ងាយណាស់ គួរឲ្យសរសើរ!
ចន្លោះមិនឃើញ
ត្បិតថាបច្ចុប្បន្ន ជូលី អាចរកលុយបានស្រួល តាមរយៈសិល្បៈ ប៉ុន្តែប្អូនស្រីប្រាប់ថា មិនភ្លេចខ្លួន រហូតទុកការសិក្សាចោលនោះទេ ផ្ទុយទៅវិញ ប្អូនថែមទាំងបានដាក់គម្រោងរៀនយកលេខ១ឲ្យបានថែមទៀតនៅឆ្នាំនេះ ដោយអនាគតមិនពឹងតែលើសិល្បៈឡើយ។
ជូលី លើកឡើងថា មនុស្សជាច្រើនលើកសរសើរប្អូនអំពីសម្រស់ ដែលចំណុចនេះប្អូនស្រីក៏ទទួលស្គាល់។ ប៉ុន្តែប្អូនយល់ថា សម្រស់តែមួយមុខមិនគ្រប់គ្រាន់ ហើយម្យ៉ាង វាក៏មិននៅស្ថិតស្ថេរនោះដែរ។ ដូច្នេះហើយ អ្វីចំពោះមុខនាពេលនេះ គឺប្អូនត្រូវតែប្រឹងរៀនសូត្រ ទុកជាគ្រឹះសម្រាប់ខ្លួនឯសិន។
“បើក្មួយមានតែសម្រស់ តែគ្មានចំណេះវិជ្ជា ការងារអ្វីធំដុំ ក្មួយមិនអាចបាន ម្យ៉ាងពេលយើងខ្វះការយល់ដឹង កិច្ចការងារអ្វីក៏ដោយ គឺស្រេចតែលើអ្នកនៅទីផ្សារកណ្ដាល...អីចឹងគឺស្មើនឹងក្មួយបាត់បង់ឱកាសធំដែរ!"។
បច្ចុប្បន្ន ជូលី កំពុងសិក្សាថ្នាក់ទី ៦ ត្រៀមប្រឡងចូលទី ៧ នៅសាលាឯកជនមួយ។ ប្រមើលឃើញពីអនាគតដូច្នោះហើយ ប្អូនស្រី បញ្ជាក់ថា ប្អូននឹងមិនងាកពីការសិក្សា ដោយគិតតែពីការរកលុយតែមួយមុខពីសិល្បៈនោះឡើយ បើទោះវិថីមួយនេះ បានជួយឲ្យប្អូនរកចំណូលបានច្រើន រហូតដល់អាចបើកហាងខ្លួនឯងអស់ប្រាក់ជិតម៉ឺនដុល្លារនៅខេត្តព្រះសីហនុក៏ដោយ។
បែបនេះហើយ ជូលី បញ្ជាក់ទៀតថា នៅឆ្នាំនេះ មានការទាក់ទងប្អូនឲ្យសម្ដែងភាពយន្តច្រើន ប៉ុន្តែប្អូនមិនសូវហ៊ានទទួលឡើយ ដោយសារតែការងារសម្ដែងភាពយន្ត គឺត្រូវការចំណាយពេលយូរ។ ភាគច្រើនការងារសិល្បៈ ដែលប្អូនទទួលនារយៈចុងក្រោយនេះ គឺជាប្រភេទការងារថតស្ប៉តពាណិជ្ជកម្មប៉ុណ្ណោះ ព្រោះការងារនេះ ចំណាយពេលតិច និងមិនប៉ះពាល់ដល់ការសិក្សា។
"ខ្ញុំអត់សូវទទួលថតភាពយន្តទេពូ ព្រោះរឿងមួយៗ ត្រូវចំណាយពេលយូរ ដោយក្មួយទទួលថតត្រឹមតែស្ប៉តពាណិជ្ជកម្មទេ។ ឥឡូវឆ្នាំនេះ គឺជាឆ្នាំប្រឡងផង អីចឹងក្មួយរៀនយកលេខ១សិន ការរកលុយតាមសិល្បៈ គឺមកតាមក្រោយទេ"។
មានស្ប៉តពាណិជ្ជកម្មប្រមាណ ៥-៦ ហើយ ដែល ជូលី បញ្ជាក់ថា នាងបានថតរួចរាល់ឲ្យក្រុមហ៊ុននានា ក្នុងនោះមានដូចជា ស្ប៉តធូបមូស និងស្ប៉តពាណិជ្ជកម្ម គោយន្ត ជាដើម៕
អាន៖ តារាស្រីដ៏ល្បីរបស់ភូមាម្នាក់ សម្រេចចិត្តបួសជាដូនជី ឈប់ស្ដាយនឹងរឿងលោកិយ
អាន៖ មោទកភាព ជំទាវ យឹម ឆៃលីន ដ៏ស្រស់ស្អាត ជាខ្មែរដំបូងលេចមុខនៅមហោស្រពពិភពលោកទីក្រុងកាន
