- 2019-06-05 03:29:57
- ជីវិតតារា
Rihanna ជាតារាចម្រៀងស្រីមានជាងគេលើផែនដី កាន់ទ្រព្យ ៦០០ លានដុល្លារក្នុងដៃ
- 2019-06-05 03:29:57
- ចំនួនមតិ 0 | ចំនួនចែករំលែក 0
Rihanna ជាតារាចម្រៀងស្រីមានជាងគេលើផែនដី កាន់ទ្រព្យ ៦០០ លានដុល្លារក្នុងដៃ
ចន្លោះមិនឃើញ
វ័យទើបតែ ៣១ ឆ្នាំ Rihanna បានក្លាយជាតារាចម្រៀងស្រីមានជាងគេក្នុងលោក។ បើតាមការចេញផ្សាយរបស់ទស្សនាវដ្ដី Forbes កាលពីម្សិលមិញនេះ បានប៉ាន់ស្មានថាតារាស្រីរូបនេះមានទ្រព្យសម្បត្តិប្រមាណ ៦០០ លានដុល្លារឯណោះ។
នេះបានធ្វើឲ្យ Rihanna វ៉ាដាច់តារាចម្រៀងស្រីដទៃទៀតរួមមាន Madonna (មាន ៥៧០ លានដុល្លារ), Celine Dion (មាន ៤៥០ លានដុល្លារ) និង Beyonce (មានទ្រព្យ ៤០០ លានដុល្លារ)។ ទ្រព្យសម្បត្តិរបស់ម្ចាស់បទ "Diamond” រូបនេះ មិនមែនបានមកតែពីរការលក់ចម្រៀង និងប្រគំតន្ត្រីទេសចរណ៍នោះទេ ប៉ុន្តែក៏បានមកពីជំនួញសំលៀកបំពាក់ និងការចាប់ដៃគូជាមួយម៉ាកទំនិញដ៏ធំរបស់បារាំង LVMH។
ចាប់ដៃគូជាមួយ LVMH ពួកគេបង្កើតបាននូវគ្រឿងសម្អាង Fenty Beauty ដែលបានចាប់ផ្ដើមកាលពីខែកញ្ញា ឆ្នាំ ២០១៧ ដែលទទួលបានជោគជ័យស្មានមិនដល់ ពោលលក់ត្រឹមប៉ុន្មានសប្ដាហ៍ដំបូងអាចរកបាន ១០០ លានដុល្លារឯណោះ។ ដំណើរការបានត្រឹម ១៥ ខែ គ្រឿងសម្អាង Fenty Beauty អាចរកចំណូលបានដល់ ៥៧០ លានដុល្លារ៕
ចុចអាន ៖ តារាចម្រៀងស្រីចាត់ទុកថាជាម្ចាស់ក្សត្រីប៉ុបជំនាន់ថ្មី៥រូប អ្នកគួរតែស្គាល់
