- 2019-06-28 04:14:13
- ព័ត៌មាន
ចំណងស្នេហ៍នេះ នឹងទៅជាយ៉ាងណា? បើសប្ដាហ៍ស្រាយគំនុំតជំនាន់ ចុងក្រោយបានមកដល់ទៅហើយ!
- 2019-06-28 04:14:13
- ចំនួនមតិ 0 | ចំនួនចែករំលែក 0
ចំណងស្នេហ៍នេះ នឹងទៅជាយ៉ាងណា? បើសប្ដាហ៍ស្រាយគំនុំតជំនាន់ ចុងក្រោយបានមកដល់ទៅហើយ!
ចន្លោះមិនឃើញ
ប្រុស៖ "បើថ្ងៃមួយយើងបែកគ្នា ចិត្តពុំងាអាណិតបងដែរ បើថ្ងៃមួយបងលែងបានក្បែរមាសមេយំអត់?”។ ស្រី៖ "អូនមិនគិតពីរឿងទៅមុខ បើមានទុក្ខអូនក៏សុខចិត្ត ស្នេហាមួយតមកពីអតីត ការពិតមិនក្លែងក្លាយ"។
អត្ថន័យនៅក្នុងបទចម្រៀង "ស្នេហាមួយសល់ពីអតីត" សម្រាំងជាពិសេសសម្រាប់រឿងភាគដ៏ល្អឯកប្រចាំឆ្នាំ២០១៩របស់ PNN "ថ្ងៃមុនស្អប់ថ្ងៃនេះស្រលាញ់" បានបកស្រាយយ៉ាងច្បាស់ហើយ ទោះបីមានរឿងលំបាកយ៉ាងណា? មានឧបសគ្គរារាំងពួកគេ ច្រើនរាប់ពុំអស់បែបណា?
តែគូស្នេហ៍គ្រប់គ្នាក្នុងរឿងភាគ ដ៏ល្អមួយនេះ បានត្រៀមចិត្តជាស្រេច កាន់ដៃគ្នាពុះពារបញ្ហា ដើរលើផ្លូវតែមួយរហូតចប់ចុងចប់ដើម។ នៅទីបំផុត ទោះបីបញ្ហាគំនុំគ្រួសារចាក់ស្រេះស្មុគស្មាញដូចអំបោះជំពាក់មុខ អូសបន្លាយពេលច្រើនឆ្នាំយ៉ាងណាក្ដី ក៏មិនអាចយកឈ្នះកម្លាំងស្នេហ៍របស់ពួកគេបានដដែល ពួកគេនៅតែអាចជួបគ្នាស្របតាមការតាំងចិត្តរបស់ខ្លួន។
តើគំនុំដែលកើតឡើងច្រើនឆ្នាំរវាងមនុស្សពីរជំនាន់ ទាំងរឿងស្នេហា និងការងារអាចដោះស្រាយបញ្ចប់បានយ៉ាងរលូនដោយវិធីណា? ចម្លើយក៏ប្រហែលគ្មានអ្វីចេញឆ្ងាយអំពីការបើកចិត្តឱ្យទូលាយ ស្វែងយល់នូវបញ្ហា ផ្ដល់ក្ដីមេត្តា មានក្តីករុណា និងការអត់អោនទោសដែលមានចំពោះគ្នានោះឡើយ។
ពេលណាមនុស្សមានវ័យចាស់ទៅ សក់ខ្មៅក៏ប្រែជាសអស់ អ្វីដែលដក់ជាប់ចិត្តខ្លាំងជាងគេ គឺគ្មានអ្វីក្រៅពីអនុស្សាវរីយទាំងអាក្រក់ ទាំងល្អ តាំងពីអតីតរហូតបច្ចុប្បន្ន ឆ្លាស់វេនគ្នាបង្ហាញខ្លួនដាស់ការចងចាំឥតស្រាកនោះទេ។ គំនុំទាំងថ្មីចាស់ ដែលមិនទាន់ជម្រះសេចក្ដីនៅឡើយ វានៅតែជាចំណងរឹងមាំ ចងជាប់ចិត្តរបស់មនុស្សគ្រប់គ្នាពិបាកនឹងបំភ្លេចបាន ដូច្នេះតើមានប្រយោជន៍អ្វីដែលអ្នកមិនព្រមបញ្ចប់ ហើយក្រសោបក្ដីទុក្ខជាប់ខ្លួនរហូតថ្ងៃរលត់ជីវិតនោះ?
តើគម្រោង រតនៈ សោភ័ណ្ឌ មានរូបរាងពិតប្រាកដដែររឺទេ? តើអ្វីជាអាថ៌កំបាំងពិតប្រាកដនៅពីក្រោយគម្រោងមួយនេះ? តើបញ្ហាស្មុគស្មាញទាំងអស់អាចដោះស្រាយបញ្ចប់ដោយវិធីណាខ្លះ? តើវេលាជួបជុំក្រុមគ្រួសារ សាច់ញាតិ បងប្អូន និងមិត្តចាស់ប្រកបដោយសុភមង្គលនឹងអាចកើតមានដោយរបៀបណា? សូមកុំភ្លេចរង់ចាំទស្សនាការចាក់ផ្សាយភាគបញ្ចប់នៃរឿង "ថ្ងៃមុនស្អប់ថ្ងៃនេះស្រលាញ់" នាសប្ដាហ៍ទី០១ នៃខែកក្កដាខាងមុខនេះ ទាំងអស់គ្នាណា៎។ ចាក់ផ្សាយរៀងរាល់ថ្ងៃចន្ទ ដល់ថ្ងៃពុធ វេលាម៉ោង ៨ រហូតម៉ោង៩យប់៕