- 2019-09-05 07:22:23
- ព័ត៌មាន
ឲ្យហ្វេននៅអាស៊ីអាគ្នេយ៍បោះឆ្នោត រកឃើញតារាស្រី ៣ រូបនេះសម្រស់លេចធ្លោជាងគេ
- 2019-09-05 07:22:23
- ចំនួនមតិ 0 | ចំនួនចែករំលែក 0
ឲ្យហ្វេននៅអាស៊ីអាគ្នេយ៍បោះឆ្នោត រកឃើញតារាស្រី ៣ រូបនេះសម្រស់លេចធ្លោជាងគេ
ចន្លោះមិនឃើញ
កាលពីថ្មីៗនេះ Starmometer បានចេញផ្សាយលទ្ធផលនៃតារាស្រីមានសម្រស់ស្អាតជាងគេទាំង ១០០ នាក់ ដែលបោះឆ្នោតរើសដោយអ្នកគាំទ្រនៅអាស៊ីអាគ្នេយ៍។ Lisa និង Jisoo មកពីក្រុម BLACK PINK ឈរនៅតំណែងកំពូលទាំងពីរ។
១. Lisa
សមាជិកក្មេងជាងគេរបស់ BLACKPINK ទទួលបានសំឡេងឆ្នោតសរុប ១១៩ ២២៨ សំឡេង។ តារាកើតឆ្នាំ ១៩៩៧ រូបនេះ ត្រូវបានគេឲ្យឈ្មោះថា "តុក្កតាមានជីវិត" ហើយត្រូវចាត់ទុកថាជាសមាជិកដែលអាចស៊ីគ្រប់ Concept តាំងពីបែបសិចស៊ី ដល់បែបគួរឲ្យស្រឡាញ់។ ស្តង់ដារដងខ្លួនរបស់តារា K-Pop សញ្ជាតិថៃនេះ ក៏ទទួលបានការចាប់អារម្មណ៍ជាខ្លាំងផងដែរ។
តាំងពីចូលប្រឡូកជាសមាជិក BLACKPINK នាឆ្នាំ ២០១៦ មក Lisa តែងជាប់លេខខ្ពស់ៗក្នុងបញ្ជីស្រ្តីមានមុខមាត់ស្អាតជាងគេក្នុងលោកទាំង ១០០ របស់ TC Candler ពោលលេចមុខ ៣ ឆ្នាំជាប់ៗគ្នា។ ក្រៅពីរូបសម្រស់ Lisa ត្រូវបានអ្នកគាំទ្រស្រឡាញ់ពេញចិត្ត នឹងទេពកោសល្យ និងអត្តចរិតផងដែរ។
២. Jisoo
បងស្រីប្រចាំក្រុម BLACKPINK ទទួលបានសំឡេងឆ្នោត ១០៨ ២១៧ សំឡេង។ ចាប់តាំងពីពេលនៅរៀនវិទ្យាល័យ Jisoo ល្បីឈ្មោះដោយសារមានសម្រស់លេចធ្លោ។ មុនការប្រឡូក នាងធ្លាប់ដើរតួឯកក្នុងវីដេអូចម្រៀងជាច្រើន ធ្លាប់លេចមុខក្នុងវីដេអូពាណិជ្ជកម្មជាមួយ Lee Min Ho និងបង្ហាញមុខក្នុងខ្សែភាពយន្តភាគមួយចំនួនផងដែរ។
ខ្ទង់ច្រមុះខ្ពស់ ទម្រង់មុខតូច និងមានមាត់រាងបេះដូង បានជួយឲ្យសម្រស់តារាកើតឆ្នាំ ១៩៩៥ រូបនេះ ស្អាតប្រៀបដូចជាទេពអប្សរប្រចាំ K-Pop។ Jisoo ត្រូវបានអ្នកគាំទ្រដាក់ឈ្មោះឲ្យថាជាកំពូលសម្រស់ប្រចាំផលិតកម្ម YG រៀងរាល់ពេលបង្ហាញមុខ សម្រស់របស់ Jisoo តែងក្លាយជាប្រធានបទក្ដៅក្នុងប្រទេសកូរ៉េ។
៣. Liza Soberano
តំណែងលេខ ៣ បានទៅលើតារាកូនកាត់ ហ្វីលីពីន-អាមេរិក Liza Soberano ដែលមានសំឡេងឆ្នោត ១០៧ ០៦៦ សំឡេង។ តារាកើតឆ្នាំ ១៩៩៥ នេះ មានរូបសម្រស់បែប Hybrid ដែលមានចំណុចទាក់ទាញរបស់លោកខាងលិច និងលក្ខណៈសុភាពទន់ភ្លន់របស់អាស៊ី។
ចាប់តាំងពីបានសម្ដែងក្នុងរឿង Forevermore រួចមក Liza ត្រូវបានសារព័ត៌មានហ្វីលីពីនលើកសរសើរថាជាកំពូលសម្រស់មួយប្រចាំប្រទេស។ លើសពីនេះនៅឆ្នាំ ២០១៧ នាងបានជាប់លេខ ១ ក្នុងបញ្ជីមុខស្អាតទាំង ១០០ នាក់របស់ TC Candler ទៀតផង។
គួរដឹងថា Starmometer គឺជាវិបសាយសម្រស់ល្បីមួយនៅហ្វីលីពីន ដែលបញ្ជីសម្រស់ទាំង ១០០ នេះ មានការយកសំឡេងឆ្នោត ៥០% និងការវាយតម្លៃរបស់អ្នកជំនាញ ៥០%។ ការបោះឆ្នោតចាប់ផ្ដើមពីថ្ងៃទី ១ ខែ ៤ បញ្ចប់នៅ ៣០ សីហា៕
ចុចអាន ៖ ក្រៅពីចូលចិត្តច្រៀងរាំ LISA នៅចូលចិត្តរបស់ទាំងនេះទៀត ដែលអ្នកទាំងអស់គ្នាមិនសូវដឹង