- 2019-10-21 04:51:10
- ព័ត៌មាន
សង្ហាហើយពូកែរកស៊ីទៀត! ផ្ដើមពីលក់ Online សោះ ឥឡូវ Kimsanuk ពង្រីកហាងថ្មីតម្លៃរាប់ម៉ឺន
- 2019-10-21 04:51:10
- ចំនួនមតិ 0 | ចំនួនចែករំលែក 0
សង្ហាហើយពូកែរកស៊ីទៀត! ផ្ដើមពីលក់ Online សោះ ឥឡូវ Kimsanuk ពង្រីកហាងថ្មីតម្លៃរាប់ម៉ឺន
ចន្លោះមិនឃើញ
ត្បិតថានៅក្នុងការងារសិល្បៈ មិនសូវលេចធ្លោខ្លាំងក៏ពិតមែន ប៉ុន្តែតារាសម្ដែងប្រុសស្រស់សង្ហា លន់ គឹមហេង ហៅ Kimsanuk ត្រូវបានគេដឹងថា លោកបាន និងកំពុងជោគជ័យក្នុងអាជីវកម្មទៅវិញ ដោយដំបូងចាប់ផ្ដើមពីការលក់សាកល្បងតាម Onlince ឥឡូវស្រាប់តែអាចបើកហាងបន្តបន្ទាប់។
Kimsanuk តារាសម្ដែងវ័យ២៩ឆ្នាំ ត្រូវបានទស្សនិកជនជាច្រើនបានស្គាល់តាមរយៈការសម្ដែងភាពយន្ត ឈុតផ្សព្វផ្សាយពាណិជ្ជកម្ម ការបង្ហាញម៉ូដជាដើម។ នៅឆ្នាំ ២០១៧ ដោយចង់មានបាន មិនពឹងតែលើសិល្បៈ លោកបានចាប់ផ្ដើមលក់ផលិតផលថែរក្សាសម្រស់តាមOnline ហើយទទួលបានការគាំទ្រពីអតិថិជនជាច្រើន។ ធ្វើបានមួយរយៈ លោកអាចមានដើមទុនខ្លះ រហូតអាចបើកដំណើរការហាងមួយនៅម្តុំតំបន់ផ្សារដើមថ្កូវ។
ថ្មីៗនេះ លោកទើបនឹងបានពង្រីកហាងថ្មីមួយបន្ថែមទៀត ដែលមានតម្លៃវិនិយោគប្រមាណជិត ៥ម៉ឺនដុល្លារអាមេរិកឯណោះ ដោយលោកបានអញ្ជើញមិត្តភ័ក្ដិរួមអាជីពចូលរួមពិធីបើកសម្ពោធយ៉ាងច្រើនកុះករកាលពីថ្ងៃសៅរ៍សប្ដាហ៍មុននេះ។ តួប្រុសក្នុងរឿង "គ្រូពេទ្យខ្ញុំ” រូបនេះលើកឡើងថា លោករីករាយណាស់ ព្រោះមិនដែលនឹកស្មានសោះឡើយថា លោកអាចធ្វើបានដល់ចំណុចនេះ ដោយមិនត្រឹមតែអាចបើកហាងមួយទេ ឥឡូវស្រាប់តែអាចពង្រីកសាខាថែមទៀត។
ទាំងនេះ លោកថា បានមកពីការគាំទ្ររបស់អតិថិជនលោក។ ដូច្នេះហើយ លោកថា នឹងតបទៅអ្នកគាំទ្រ ដោយការលក់ផលិតផលដែលមានគុណភាព។ សានុ ឲ្យដឹងថា លោកមានលក់ផលិតផល Nature Top ផលិតផលសម្រាប់ថែទាំផ្ទៃមុខ និងដងខ្លួន មានការទទួលស្គាល់ពីក្រសួងសុខាភិបាលប្រទេសថៃ និងកម្ពុជា។ ឆ្លងតាមការលក់កន្លងមក លោកថា មានការគាំទ្រច្រើន ដូច្នេះហើយទើបធ្វើឲ្យការលក់របស់លោករីកចម្រើនលឿន។
និយាយពីការងារសិល្បៈវិញ លោកថា បើទោះបីជារវល់នឹងការពង្រីកមុខជំនួញថ្មីក៏ពិតមែន ប៉ុន្តែលោកបញ្ជាក់ថា ដាច់ខាតមិនបោះបង់ឡើយ។ លោកថា ការងារសិល្បៈជាការងារដែលលោកពេញចិត្ត និងក៏ជាផ្នែកមួយជួយជំរុញឲ្យអតិថិជនលោកកាន់តែស្គាល់មុខជំនួញនេះផងដែរ។ ដូច្នេះហើយសម្រាប់លោក ទាំងការងារជំនួញ និងសិល្បៈ គឺត្រូវដើរទន្ទឹមគ្នា ដោយមិនអាចចោលមួយណាបានឡើយ។
ជាមួយនឹងការបើកសម្ពោធហាងថ្មី លន់ គឹមហេង រំពឹងទុកថា នឹងកាន់តែជំរុញអាជីវកម្មរបស់លោកកាន់តែប្រសើរ និងមានទំនុកចិត្តកាន់តែខ្លាំងពីអ្នកគាំទ្រថែមទៀត៕