- 2019-12-26 08:45:00
- ព័ត៌មាន
អាសូរ! MrQueen បាត់មុខយូរ ឥឡូវទើបដឹងមានជំងឺកាចសាហាវ ស្គមខ្លាំងគួរឲ្យសង្វេគ
- 2019-12-26 08:45:00
- ចំនួនមតិ 0 | ចំនួនចែករំលែក 0
អាសូរ! MrQueen បាត់មុខយូរ ឥឡូវទើបដឹងមានជំងឺកាចសាហាវ ស្គមខ្លាំងគួរឲ្យសង្វេគ
ចន្លោះមិនឃើញ
នៅថ្ងៃនេះមានការភ្ញាក់ផ្អើលមួយ ក្រោយពីគេបានឃើញ រូបភាព MrQueen តារាប្រុសនិយមតែងខ្លួនជាមនុស្សភេទទី៣ មានរូបរាងស្គមខ្លាំងគួរឲ្យសង្វេគ ខុសពីពេលមុនដែលលោកមានរូបរាងស្រស់ស្អាត ដោយបានធ្វើឲ្យប្រិយមិត្តជាច្រើនមានការបារម្ភ។
រូបភាពមួយសន្លឹកនោះ បានលេចចេញលើហ្វេសប៊ុកនៅថ្ងៃនេះ បន្ទាប់លោកបានបាត់មុខឈឹងពីឆាកសិល្បៈ ដោយទើបតែដឹងពេលនេះ ការបាត់មុខ គឺដោយសារលោកមានជំងឺធ្ងន់ រហូតស្រកសាច់អស់ស្ទើរសល់តែស្បែកដណ្ដប់ឆ្អឹង។ MrQueen ដែលនិយមតែងខ្លួនជាប្រុសពាក់កណ្ដាល ស្រីពាក់កណ្ដាល នោះ បានបញ្ចេញរូបភាពមួយសន្លឹកដោយខ្លួនឯង និងបានសរសេរសារថា "មិនដឹងតស៊ូបានប៉ុណ្ណា អរគុណមិត្តដែលផ្ដល់កម្លាំងចិត្ត ជាពិសេសមិត្តខ្ញុំ និងគ្រួសារខ្ញុំ"។
ប្រិយមិត្តលោកជាច្រើន បានសម្ដែងការតក់ស្លុត មិននឹកស្មានថា តារារូបនេះ ធ្លាក់ខ្លួនឈឺដុនដាបដល់ថ្នាក់នេះ។ MrQueen ភ្លាមៗ មិនបានប្រាប់ពីប្រភេទជំងឺលោកទេ ក្នុងនោះសូម្បីតែប្រិយមិត្តសួរនាំ ក៏មិនឃើញលោកឆ្លើយតបនោះដែរ។ ប៉ុន្តែក្នុងបទសម្ភាសន៍ខ្លីជាមួយ Sabay លោកបានឆ្លើយតបទាំងត្រដរ។ លោកថា លោកមានជំងឺ HIV ហើយលោកបានដឹងថាលោកមានជំងឺនេះ កាលពីប្រមាណជាង១ឆ្នាំមុនម្ល៉េះ។
ក្នុងសំឡេងស្ទើរថប់ដង្ហើម MrQueen ប្រឹងប្រាប់ឲ្យដឹងទៀតថា ជំងឺនេះបានធ្វើទុក្ខលោក២ដងហើយ ហើយលើកនេះធ្ងន់ធ្ងរ ដែលមិនដឹងថាលោកអាចតស៊ូជាមួយវាបានប៉ុណ្ណានោះទេ។ យ៉ាងណា តារានិយមតែងខ្លួនប្លែកៗរូបនេះ បញ្ជាក់ថា ពេលនេះ លោកចង់ត្រឡប់ទៅការងារសិល្បៈរបស់លោកវិញខ្លាំងណាស់...។
MrQueen ពេលនេះ បាន និងកំពុងសម្រាកព្យាបាលនៅមន្ទីរពេទ្យរុស្សី ប៉ុន្តែលោកមិនបានប្រាប់លេខបន្ទប់នោះទេ ដោយសារថា លោកអាចនឹងដូរបន្ទប់ទៀត។ ប្រសិនបើសិនមិត្តភ័ក្ដិ ឬប្រិយមិត្តចង់ទៅសួរសុខទុក្ខលោក សូមចុចទៅទូរសព្ទរបស់លោកតាមរយៈលេខ ០៨៧ ៤១៤០៣២៕
