- 2020-01-04 03:33:06
- ព័ត៌មាន
មានរឿងអី វង្ស ថាណាន់ និង សោភា ទេពី បញ្ចេញរូប Pre-Wedding ព្រមគ្នា
- 2020-01-04 03:33:06
- ចំនួនមតិ 0 | ចំនួនចែករំលែក 0
មានរឿងអី វង្ស ថាណាន់ និង សោភា ទេពី បញ្ចេញរូប Pre-Wedding ព្រមគ្នា
ចន្លោះមិនឃើញ
តារាចម្រៀងវ័យក្មេងប្រុសស្រី២ដួង គឺលោក វង្ស ថាណាន់ និងកញ្ញា សោភា ទេពី បានធ្វើឲ្យអ្នកគាំទ្រភ្ញាក់ផ្អើលនៅព្រឹកនេះ ដោយសារតែពួកគេបានបញ្ចេញរូបភាព Pre-Wedding ព្រមគ្នា គួរឲ្យសង្ស័យ។
ជឿជាក់ថាប្រិយមិត្តមិនតិចនោះទេដែលបានស្គាល់តារាចម្រៀងប្រុសស្រីវ័យក្មេងគឺ កញ្ញា សោភា ទេពី និង លោក វង្ស ថាណាន់ ដែលកំពុងមានឈ្មោះបោះសំឡេង និងទីផ្សារខ្លាំងលើវិថីសិល្បៈ។ ពួកគេបានទម្លាយរូបភាពថតគ្រងឈុតអាពាហ៍ពិពាហ៍ Pre-Wedding ច្រើនសន្លឹក អមជាមួយនឹងអត្ថន័យស្នេហាដ៏ជ្រាលជ្រៅ។
ជាមួយគ្នា គេក៏ដឹងថាធ្លាប់ ពួកគេមានទំនាក់ទំនងស្និទស្នាលដូចគូសង្សាមួយគូដែរពីមុនមក ដោយទើបតែស្ងាត់មួយរយៈប៉ុណ្ណោះ។ ប៉ុន្តែពួកគេបានធ្វើឲ្យមានការចាប់អារម្មណ៍ជាថ្មីក្រោយចេញស៊េរីរូបភាពស្និទ្ធស្នាលទាំងប៉ុន្មាននេះ ទើបធ្វើឲ្យ អ្នកគាំទ្រសង្ស័យថាអ្នកទាំងពីរបានចាប់ផ្ដើមផ្សារភ្ជាប់ទំនាក់ទំនងស្នេហា នឹងចាប់ដៃគ្នាជាថ្មីម្ដងទៀត។
ជុំវិញបញ្ហានេះ កញ្ញា សោភា ទេពី បានបដិសេដ កញ្ញាប្រាប់ថា រូបភាពទាំងអស់នោះ គឺគ្រាន់តែថតសម្រាប់លេងក្នុង បណ្ដាញសង្គម និងបង្ហោះក្នុង TikTok តែប៉ុណ្ណោះ។ ដោយឡែករឿង ស្ងប់ស្ងាត់ជាមួយ ថាណាន់ ម្ចាស់បទ "អ្នកកែចិត្តបង" ថា គឺដោយសារការរវល់ការងាររៀងខ្លួនប៉ុណ្ណោះ ដោយទើបតែមកចាប់ដៃគ្នាសារថ្មីនៅពេលនេះ។
នាងថា ក្រៅពីថតរូបស្វីតៗ និងខ្លីបខ្លីៗនៅក្នុង TikTok មួយចំនួននោះ ពួកនាង ត្រៀមចេញនូវបទចម្រៀងរួមគ្នានៅក្នុងពេលឆាប់ៗនេះដែរ។ ដោយឡែកទំនាក់ទំនងស៊ីជម្រៅជាមួយ ទេពី សុំមិនទាន់ឆ្លើយនៅលើយ ប៉ុន្តែនាងគ្រាន់តែប្រាប់ថា បច្ចុប្បន្នទំនាក់ទំនងរវាងនាង និង លោក វង្ស ថាណាន់ គឺនៅត្រឹមជាមិត្តល្អប៉ុណ្ណោះ។ តែរឿងទៅថ្ងៃមុខ វិវត្តបន្តទៀតយ៉ាងណា នាងក៏ប៉ាន់ស្មានត្រូវដែរ៕
