- 2020-01-09 02:56:22
- ព័ត៌មាន
តក់ស្លុត ឌីជេវ័យក្មេងម្នាក់ ត្រូវជនមិនស្គាល់មុខបាញ់សម្លាប់ក្នុងហាងផឹកស៊ីទាំងព្រលឹម
- 2020-01-09 02:56:22
- ចំនួនមតិ 0 | ចំនួនចែករំលែក 0
តក់ស្លុត ឌីជេវ័យក្មេងម្នាក់ ត្រូវជនមិនស្គាល់មុខបាញ់សម្លាប់ក្នុងហាងផឹកស៊ីទាំងព្រលឹម
ចន្លោះមិនឃើញ
បុរសវ័យជាង ២០ឆ្នាំម្នាក់ ដែលឲ្យដឹងថាមានមុខរបរជា ឌីជេ ផង បានត្រូវខ្មាន់កាំភ្លើងបាញ់ប្រហារបណ្ដាលឲ្យបាត់បង់ជីវិតនៅនឹងកន្លែងក្នុងហាងផឹកស៊ីមួយកន្លែង នៅព្រលឹមថ្ងៃទី ៩ មករា ២០២០នេះ។
តាមព័ត៌មានបឋម ជនរងគ្រោះ ក្នុងហេតុការណ៍បាញ់ប្រហារនេះ ត្រូវបានគេឲ្យដឹងឈ្មោះថា ឈ្មោះ ខូ មិនា អាយុ ២៦ឆ្នាំ ស្នាក់នៅជ្រោយចង្វារ ខណ្ឌជ្រោយចង្វារ។ បើតាមសាក្សីពីកន្លែងកើតហេតុ នៅមុនរឿងនេះ គេឃើញយុវជនខាងលើរួមដំណើរដោយរថយន្តជាមួយគ្នីគ្នាម្នាក់ទៀត បានធ្វើដំណើរមកហាងផឹកស៊ី "ហេភីណាស់" ក្នុងបំណងមកហូបស៊ុប។
ពេលមកដល់ សាក្សីឲ្យដឹងថា ជនរងគ្រោះ បានដើរចូលមុន ឯគូកនម្នាក់ទៀតនៅរៀបចំរកកន្លែងចតរថយន្ត។ ពេលចតរថយន្តរួចហើយ គូកននោះ បានដើរចូលមកក្នុងហាង ហើយដកកាំភ្លើងបាញ់ជនរងគ្រោះផ្អឹបនឹងសៀតផ្កា បណ្ដាលឲ្យស្លាប់ភ្លាម។ រួចហើយ ជនដៃដល់ បានរត់ចេញមកក្រៅហាង ហើយក៏មានគូកន២នាក់ទៀតបានជិះម៉ូតូមកទទួលជនដៃដល់ ហើយជិះគេចខ្លួនបាត់ស្រមោល។
ប៉ុន្តែបើយោងតាមរបាយការណ៍ផ្សេងទៀត បានឲ្យដឹងថា អ្នកបាញ់ គឺជាក្រុមមនុស្ស២នាក់ជិះម៉ូតូមួយគ្រឿង ហើយបានចូលទៅបាញ់ជនរងគ្រោះដែលកំពុងអង្គុយលើតុបណ្ដាលឲ្យស្លាប់តែម្ដង។ ដោយឡែក គូកនជនរងគ្រោះដែលរួមដំណើរតាមរថយន្តមកជាមួយគេ ត្រូវគេរាយការណ៍ថា បានឡើងជិះម៉ូតូជាមួយខ្មាន់កាំភ្លើងទៅជាមួយគ្នាបាត់។ បន្ទាប់ពីធ្វើសកម្មភាពរួចហើយ ក្រុមជនដៃដល់បានបោះកាំ ភ្លើ ងចោលនៅក្នុងហាងកន្លែងកើតហេតុនោះ។
សមត្ថកិច្ច នៅមិនទាន់អាចកំណត់ពីដើមចមដែលនាំឲ្យមានអំពើបាញ់ប្រហារបណ្ដាលឲ្យមានមនុស្សស្លាប់ទាំងព្រលឹមអុរនៅឡើយទេ ជុំវិញករណីនេះ។ ប៉ុន្តែតាមប្រជាពលរដ្ឋ ដាក់ការសង្ស័យថា ជាករណីមិត្តស៊ីមិត្ត ប៉ុន្តែមិនថាដោយសារមូលហេតុអ្វីដូចគ្នា៕