ភ្ញាក់ក្រញ៉ាង! ស្វាមីរបស់ Lydia តារាចម្រៀងល្បីប្រចាំថៃមានផ្ទុកមេរោគ COVID-19

2020-03-13 09:22:31
ព័ត៌មាន

2020-03-13 09:22:31
ចំនួនមតិ 0 | ចំនួនចែករំលែក 0

ចន្លោះមិនឃើញ

Matthew Deane ស្វាមីរបស់តារាចម្រៀង Lydia Sarunrat បានធ្វើឲ្យបណ្ដាញផ្សព្វផ្សាយ ក៏ដូចជាអ្នកគាំទ្រមានការភ្ញាក់ផ្អើលជាខ្លាំងពេល ប្រាប់ថាលោកឆ្លងមេរោគកូរ៉ូណា ឬ COVID-19។

ជាក់ស្ដែង ក្រោយដឹងថាខ្លួនឆ្លងភ្លាម Matthew ក៏បានបង្ហោះសេចក្ដីប្រកាសមួយថា ក្លឹបហាត់ប្រាណរបស់លោកដែលមានឈ្មោះថា Khongsittha ត្រូវបិទទ្វារសិននៅថ្ងៃសុក្រ ទី ១៣ ខែមីនា ឆ្នាំ២០២០នេះ ព្រោះត្រូវសម្អាត និងត្រួតពិនិត្យខ្លាចមានមេរោគបង្កគ្រោះថ្នាក់ ពិសេសដើម្បីការពារដល់អ្នកដែលត្រូវមកហាត់ ចៀសវាងកើតមានការឆ្លងដោយសារមេរោគ COVID-19។

បន្ទាប់មក Matthew ក៏បានចេញវីដេអូដែរថា លោកកំពុងមានផ្ទុកមេរោគនេះ ហើយកំពុងព្យាបាល ក៏ដូចជាផ្ដាំផ្ញើដល់គ្រប់គ្នា ពិសេសអ្នកដែលបានប៉ះពាល់លោករយៈពេល ៣ ឬ៤ថ្ងៃកន្លងមកនេះ សូមទៅពិនិត្យសុខភាពឲ្យបានត្រឹមត្រូវ ព្រោះពេលនេះលោកពិតជាមានផ្ទុកមេរោគដ៏សាហាវនេះមែន។

ការប្រកាសនេះដែរ កាន់តែធ្វើឲ្យអ្នកគាំទ្រភ្ញាក់ផ្អើលមួយកម្រិត ហើយគ្រប់គ្នាបាននាំគ្នាជូនពរលោកឲ្យឆាប់ជា។ ក្នុងនោះក្រៅពី Fan ក៏ឃើញមានតារាជាច្រើនជូនពរដូចជា៖ Opal Panisara, Chompoo Araya, Nine Naphat, Bella Ranee, Janie Tienphosowan, Amy Klinpratoom, J Jetrin, Pin Kejmanee, Nune Woranuch, Toey Jarinporn, Bie KPN, Gubgib Sumonthip, Victor Leo Pinto, និងតារាល្បីផ្សេងៗ៕