- 2017-10-02 04:45:59
- ព័ត៌មាន
គ្រូអគ្គីនេត្រ ធ្វើឲ្យនាយ ពែកមី ខាតមិនស្ទើរ
- 2017-10-02 04:45:59
- ចំនួនមតិ 0 | ចំនួនចែករំលែក 0
គ្រូអគ្គីនេត្រ ធ្វើឲ្យនាយ ពែកមី ខាតមិនស្ទើរ
ចន្លោះមិនឃើញ
លោក វ៉ាន់ សុខសីហា ហៅគ្រូអគ្គីនេត្រ អាចធ្វើឲ្យខាតបង់ប្រាក់យ៉ាងតិចណាស់ក៏កន្លះម៉ឺនដុល្លារដែរ បន្ទាប់ពីលោកគ្រូល្បីឈ្មោះតាម Facebook រូបនេះ ត្រូវបាននាយពែកមីហៅឲ្យសម្ដែងភាពយន្តរបស់ខ្លួន ប៉ុន្តែត្រូវប៉ូលិសចាប់ខ្លួនពាក់ព័ន្ធនឹងរឿងជួញដូរគ្រឿងញៀន បន្ទាប់ថតរឿងនោះរួច។
តាមការលើកឡើងរបស់លោក ហេង ឡុង អនាគតស្វាមីអ្នកនាង ចន ច័ន្ទលក្ខិណា បានឲ្យដឹងថា ប្លង់ដែលគ្រូអគ្គីនេត្រ សម្ដែងនោះ គឺជាប្លង់ធំ ក្នុងនោះមានតារាសម្ដែងល្បីៗជាង២០រូបបានចូលរួម អ៊ីចឹងដែលជាហេតុនាំឲ្យចំណាយច្រើន។ "យើងថតជាង១ខែហើយប្លង់ហ្នឹង គ្រូអគ្គីនេត្រ មានប្លង់ថតតែ១ថ្ងៃទេក្នុងរឿងហ្នឹង កាលណោះយើងថត១ថ្ងៃពេញដល់យប់ នៅកំពង់ឆ្នាំង តួជាង២០នាក់ ចាយលុយមិនក្រោម៥ពាន់ទេ រឿងហ្នឹងពែកមី អ្នកដឹក។ លោក ហេង ឡុង លើកឡើង។
រឿង"បន្តោងឆ្នាំងដី" ដែលជាវណ្ណកម្មដំបូងរបស់ផលិតកម្មសិល្បៈខ្មែរភាពយន្ត របស់អ្នកនាង ចន ច័ន្ទលក្ខិណា គ្រូអគ្គីនេត្រ ត្រូវបាននាយពែកមី ដែលជាអ្នកដឹកនាំសម្ដែង ឲ្យធ្វើជាតួគ្រូចាប់ខ្មោច។ បច្ចុប្បន្នមិនទាន់រកបានតួមកជំនួស គ្រូអគ្គីនេត្រ នៅឡើយទេ ហើយការសម្រេចចិត្តថតឡើងវិញ ឬយ៉ាងណានោះ ក៏មិនទាន់កំណត់ថ្ងៃបានដែរ ពេលនេះកំពុងតែធ្វើការស្ទាបស្ទង់មតិ ខណៈដែលរឿងមួយនេះ ថតស្ទើរតែចប់១០០%ហើយក្ដី។ នេះបើតាមការបញ្ជាក់របស់លោក ហេង ឡុង។
លោក វ៉ាន់ សុខសីហា ដែលតាំងខ្លួនជាគ្រូសិល្ប៍អគ្គីនេត្រ ត្រូវបានសមត្ថកិច្ចចាប់ខ្លួនកាលពីពេលថ្មីៗនេះពាក់ពន្ធនឹងការជួញដូរគ្រឿងញៀន បច្ចុប្បន្នគ្រូដែលលេងខ្លួនដូចក្មេងស្ទាវបោកមហាជនជាច្រើនលើ Facebook នេះត្រូវបានតុលាការរាជធានីភ្នំពេញឃុំខ្លួនបណ្ដោះអាសន្ននៅពន្ធនាគារព្រៃស រង់ចាំការកាត់ក្ដីតាមនីតិវិធីច្បាប់។
