- 2018-02-13 04:20:00
- ព័ត៌មាន
អម្ពរ ទេវី ប្រាប់គន្លឹះតុបតែងមុខទសវត្សរ៍ ៩០ ធានាថាតារាស្រីសម័យឥឡូវមិនមានប្រើ
- 2018-02-13 04:20:00
- ចំនួនមតិ 0 | ចំនួនចែករំលែក 0
អម្ពរ ទេវី ប្រាប់គន្លឹះតុបតែងមុខទសវត្សរ៍ ៩០ ធានាថាតារាស្រីសម័យឥឡូវមិនមានប្រើ
ចន្លោះមិនឃើញ
ឆ្លងកាត់ជីវិតជាអ្នកសិល្បៈអស់រយៈពេលជាច្រើនឆ្នាំមកនេះអ្នកនាង អម្ពរ ទេវី បានជួបប្រទះទាំងរឿងល្អ និងរឿងអាក្រក់រាប់ជាច្រើន។ ប៉ុន្តែរឿងមួយដែលធ្វើឲ្យតារាសម្ដែងជើងចាស់រូបនេះបំភ្លេចមិនបានគឺសម្ភារៈតុបតែងមុខក្នុងឆ្នាំ៩០ តែម្ដង។
សម្ភារៈតុបតែងខ្លួនដែលអ្នកនាង អម្ពរ ទេវី ប្រើពេលចេញថតរឿងម្ដងៗគឺយកធ្យូងមកធ្វើជាម្សៅផាត់មុខក្នុងសាច់រឿង ធ្វើយ៉ាងណាឲ្យទស្សនិកជនពេញចិត្ត នឹងចាប់អារម្មណ៍ ទោះបីជារមាស់យ៉ាងណាក៏ខ្លួនស៊ូទ្រាំជានិច្ចដើម្បីថតរឿង ឲ្យចប់មួយរឿង ព្រោះអ្នកសិល្បៈក្នុងសម័យនោះមិនមានគ្រឿងសម្អាងលម្អខ្លួនដូចបច្ចុប្បន្នឡើយ។
ទោះបីជាជួបរឿងលំបាកខ្លះក្ដីនៅពេលសម្ដែងអ្នកនាង អម្ពរ ទេវី មិនបានបោះបង់សិល្បៈចោលនោះទេ ខ្លួនបានរិះរកអ្វីដែលថ្មីដើម្បីបំពេញចិត្តពុកម៉ែបងប្អូន ហើយរឿងដែលទទួលបានការគាំទ្រពីទស្សនិកជនក្នុងអំឡុងពេលនោះគឺរឿង "ពស់កេងកង" "ស្នេហ៍រហែកជ្រែកវិញ្ញាណ" និង រឿង "ជីវិតអ្នកចម្រៀង"។
គួររម្លឹកថាក្រោយពីផ្អាកសិល្បៈអស់មួយរយៈអ្នកនាង អម្ពរ ទេវី បានចូលប្រឡូកវិញក្នុងរឿងខ្នាតធំ "ទឹកចិត្តម្ដាយសម័យ" ឲ្យផលិតកម្មថោនក្នុងឆ្នាំ ២០១៦ ដោយឡែកសម្រាប់ឆ្នាំ ២០១៧ នេះអ្នកនាង បានបង្ហាញវត្តមានក្នុងខ្សែភាពយន្តភាគថ្មីមួយទៀតគឺរឿង "ឆន្ទា" ឲ្យផលិតកម្ម Red Picture កំពុងតែដំណើរការថត៕
