• ព្រហស្បតិ៍, 10 ឧសភា 2018 04:12
  • ព័ត៌មាន

អស់​ទាស់​ហ្មង​​មង្គល​ការ កូន​ស្រី​​ថៅកែផលិតកម្ម​ថោន​ សុទ្ធ​តែ​តារា​ល្បី​មក​ចូល​រួម​យប់​មិញ

  • ព្រហស្បតិ៍, 10 ឧសភា 2018 04:12
  • ចំនួនមតិ 0 | ចំនួនចែករំលែក 0

ចន្លោះមិនឃើញ

មង្គល​ការ​​ កូន​ស្រី​ម្ចាស់​ផលិតកម្ម​ថោន ​ត្រូវ​បាន​បញ្ចប់​កាល​ពី​យប់​មិញ​នេះ​នៅ​មជ្ឈមណ្ឌល​កោះ​ពេជ្រ​ អគារ​ IJKL ក្រោម​វត្តមាន​ភ្ញៀវ​កិត្តិយស​ឯកឧត្ដម​ លោក​ជំទាវ​ ព្រម​ទាំង​សិល្បករ​​ប្រុស​ស្រី​ល្បី​​ឈ្មោះ​ជា​ច្រើន​រូប​​អបអរ​ក្នុង​ថ្ងៃ​ពិសេស​នេះ។

ជុំវិញ​ការ​រៀបចំ​ពិធី​បញ្ចប់​ភាព​នៅ​លីវ​​​​​រវាង វ៉ា នីតា និង​កូន​ប្រុស​ឧកញ៉ា គាធី ​ទទួល​បាន​ការ​ចាប់​អារម្មណ៍​យ៉ាង​ខ្លាំង​​ទៅ​លើ​រូប​សម្រស់​​ស្អាត​ និង​សង្ហា​ របស់​​គូ​ស្វាមី​ភរិយា​​វ័យ​ក្មេង​មួយ​គូ​នេះ​។ជាក់​ស្ដែង​ ​​លោក ភោ សុផានិត​ ជា​ពិធី​ករ​មួយ​រូប​បាន​និយាយ​សរសើរ​ម្ដង​ហើយ​ម្ដង​ទៀត​ថា កូន​កំលោះ​​មាន​កម្ពស់​ស្រស់​សង្ហា​ មិន​ចាញ់​​តារា​ហូលីវូដ ចំណែក​ឯ​កូន​ក្រមុំ​វិញ​​រឹត​តែ​​មាន​​សម្រស់​ស្រស់​ស្អាត​ដូច​ជា​ព្រះ​នាង អ៊ីចឹង។

បន្ថែម​ពី​​លើ​ការ​ចាប់​អារម្មណ៍​​ចំពោះ​គូ​ស្វាមី​ភរិយា​វ័យ​ក្មេង​មួយ​គូ​នេះ​ ការ​តុប​តែង​ផ្កាភ្ញី​​ក៏​ទទួល​បាន​ការ​​ស្ងើច​សរសើរ​​ពី​សំណាក់​ភ្ញៀវ​កិត្តិយស​​មិន​ធម្មតា​ដែរ​ ​ព្រោះ​ក្នុង​​ពិធី​រៀប​ចំ​ឡើង​​យ៉ាង​​ប្រណិត​ដោយ​ចំណាយ​ថវិកា​អស់​ជិត​ ២០​ម៉ឺន​ដុល្លារ​អាមេរិក​​ក្នុង​ការ​តុប​តែង​។

ទស្សនា​តារា​ល្បី​ៗ​ ចូល​រួម​មង្គល​ការ​កូន​ស្រី​ម្ចាស់​ផលិតកម្ម​ថោន​យប់​មិញ​៖

អត្ថបទ៖ ឆុង ស៊ីណាន

មតិយោបល់
អត្ថបទថ្មី