ក្នុង​បណ្ដា​អ្នក​សិល្បៈ​ជា​ច្រើន​ មាន​តារា​៣​គូ​ដែល​កំពុង​ល្បី​ថា​ ពួកគេ​កំពុង​សេពគប់​គ្នា​លើស​ពី​មិត្ត។ ចង់​ដឹង​ថា​ មាន​តារា​ចម្រៀង​ តារា​សម្ដែង​ណា​ខ្លះ​? តោះ​! តាម​ដាន​ទាំង​អស់​គ្នា​!

១. តារា​ចម្រៀង​ G-Dragon និង​តារា​ចម្រៀង​ Lee Joo Yeon

ទោះ​ជា​តារា​ចម្រៀង​មួយ​គូ​នេះ​ មិន​ទាន់​ចេញ​ប្រកាស​ជាផ្លូវ​ការ​ថា​ ជា​គូ​ស្នេហ៍​យ៉ាង​ណា​ក៏​ដោយ​ ក៏​រូបភាព​បែក​ធ្លាយ​ជា​ច្រើន​របស់​តារា​មួយ​គូ​នេះ​ អាច​ឲ្យ​អ្នក​គាំទ្រ​កាត់​យល់​ដែរ​ ថា​ពួក​គេ​លើស​ពី​មិត្ត​ធម្មតា​។

ជាក់ស្ដែង​ មាន​ម្ដង​នោះ​ ឡាន​របស់​តារា​ស្រី​ Lee Joo Yeon បាន​ឈប់​មុខ​ផ្ទះ​របស់​តារា​ចម្រៀង​ G-Dragon ។ បន្តិច​ក្រោយ​ពី​ភាគី​ខាង​ស្រី​ចេញ​ពី​ឡាន​ ភាគី​ខាង​ប្រុស​ក៏​យក​ឡាន​នោះ​ ហើយ​បើក​ចេញ​បាត់​។

រឹត​តែ​ច្បាស់​ នៅ​ប្រលានយន្តហោះ​ បុរស​ដែល​ឈរ​នៅ​កៀក​តារា​ស្រី​ Lee Joo Yeon ហើយ​ចាំ​ការពារ​នាង​គឺ​ជា​តារា​ប្រុស​ G-Dragon ។

ម្យ៉ាង​ទៀត​ តារា​ចម្រៀង​ Lee Joo Yeon ក៏​ធ្លាប់​ត្រូវ​បាន​គេ​ឃើញ​ឈប់​តាក់ស៊ី​នៅ​មុខ​ផ្ទះ​វិឡា​របស់​ G-Dragon នៅ​ឯ​កោះ​ជេជូ​។

រឹត​តែ​គួរ​ឲ្យ​ចាប់​អារម្មណ៍​ សូម្បី​ការ​ចែក​ចាយ​រូបភាព​នៅ​លើ​បណ្ដាញ​សង្គម​ ក៏​មាន​លក្ខណៈ​ជា​គូ​ស្នេហ៍​ដែរ​។​

ជា​តួ​យ៉ាង​ កាល​ពី​ថ្ងៃ​ទី​១៤​ ខែ​វិច្ឆិកា ​ឆ្នាំ​២០១៧​ តារា​ចម្រៀង​ Lee Joo Yeon បាន​ចែក​ចាយ​រូប​ភាព​ចង្កៀង​នៅ​កោះ​ជេជួ​ ដែល​ពិត​ជា​ត្រូវ​គ្នា​នឹង​គំនូរ​របស់​ភាគី​ប្រុស​ G-Dragon បាន​ចែក​ចាយ​ដែរ​។

២. តារា​សម្ដែង​ Gong Yoo និង​តារា​សម្ដែង​ Jung Yoo Mi

ក្រោយ​ពី​បញ្ចប់​ការងារ​ថត​ជាមួយ​គ្នា​ក្នុង​រឿង​ Silenced និង​ Train to Busan តារា​សម្ដែង​មួយ​គូ​ ក៏​ចាប់​ផ្ដើម​ជិត​ស្និទ្អ​នឹង​គ្នា​ខ្លាំង​ឡើង​។

ជាក់ស្ដែង មាន​ការ​បែក​ធ្លាយ​រូប​ភាព​របស់​តារា​ទាំង​ពីរ​ ញ៉ាំ​អាហារ​ពេល​ល្ងាច​ជាមួយ​គ្នា​ និង​អង្គុយ​ជិត​គ្នា​ជា​ដើម​។

រឹត​តែ​ពិសេស​ រាល់​កិច្ច​សម្ភាសន៍​ តារា​សម្ដែង​ Gong Yoo តែង​និយាយ​ល្អ​ៗ​ពី​តារា​ស្រី​ Jung Yoo Mi ជានិច្ច​។

៣. តារា​ចម្រៀង​ Dongjun (ZE:A) និង​តារា​សម្ដែង​ Go Sung Hee

តារា​មួយ​គូ​ ត្រូវ​បាន​គេ​សង្ស័យ​ថា​ ជា​គូ​ស្នេហ៍​ពិត​ប្រាកដ​ ក្រោយ​ពី​អ្នក​ទាំង​ពីរ​បង្ហាញ​ខ្លួន​ក្នុង​កម្មវិធី​ Master Key ដែល​ក្នុង​កម្មវិធី​នេះ​ តារា​ប្រុស​ស្រី​មួយ​គូ​នេះ​ បាន​កាន់​ដៃ​គ្នា​យ៉ាង​ស្និទ្ធ​ ហើយ​សប្បាយ​រីករាយ​ជា​ខ្លាំង​៕