- 2018-05-24 09:33:30
- ព័ត៌មាន
បទថ្មីពូឃ្លាំង អត្ថន័យឡើងអេម តែត្រូវមហាជនរិះគន់ចំៗរឿងយកល្ខោនខោលថៃធ្វើផ្ទៃ Background
- 2018-05-24 09:33:30
- ចំនួនមតិ 0 | ចំនួនចែករំលែក 0
បទថ្មីពូឃ្លាំង អត្ថន័យឡើងអេម តែត្រូវមហាជនរិះគន់ចំៗរឿងយកល្ខោនខោលថៃធ្វើផ្ទៃ Background
ចន្លោះមិនឃើញ
បទថ្មីរបស់ពូឃ្លាំង មានចំណងជើងថា "វាមិនអាចទេ" ត្រូវអ្នកប្រើប្រាស់បណ្ដាញសង្គមមិនសប្បាយចិត្ត ហើយរិះគន់រឿងយកល្ខោនខោលថៃមកធ្វើផ្ទៃរូបភាពខាងក្រោយ (Background)។
បទចម្រៀងថ្មីដែលទើបចេញជា Audio ក្តៅថ្មីៗ មានរូបតួអង្គយក្ស២ជាផ្ទៃ Background ត្រូវអ្នកគាំទ្ររិះគន់ថា "ម្ដេចយកល្ខោនខោលថៃមកធ្វើជាផ្ទៃខាងក្រោយទៅវិញ?” និងថែមទាំងសំណូមពរឲ្យប្តូររូបនោះចេញទៀតផង ដោយសម្អាងថាជាល្ខោនខោលថៃ មិនមែនរូបល្ខោនខោលខ្មែរនោះទេ ។
ឆ្លើយតបនឹងមតិរិះគន់ ពូឃ្លាំង បានសុំទោសពុកម៉ែបងប្អូនចំពោះកំហុសឆ្គងដោយអចេតនានេះ។ លោកនិយាយថា ដំបូងឡើយលោកមិនបានដឹងថានេះជាល្ខោនរបស់ថៃនោះទេ។ ក្រោយមានការរិះគន់ផ្ទុះឡើង លោករួមទាំងក្រុមការងារសម្រេចមតិគ្នាថាត្រូវតែកែតម្រូវ។
តារាចម្រៀងបានរៀបការជាមួយកូនស្រីអ្នកជំនួញនៅខេត្តព្រះសីហនុប្រាប់ថា៖ “ខាងផ្ទៃ Background បងបានឲ្យខាងគេជួយធ្វើរូបឲ្យ ហើយមិនដឹងថាមានកំហុសនោះទេ។ បទចម្រៀងកូនខ្មែរជាអ្នកច្រៀង ដូច្នេះមិនអាចយករូបថៃមកដាក់បានទេ"។
បទ"វាមិនអាចទេ" និពន្ធទំនុកច្រៀងដោយពូឃ្លាំងផ្ទាល់ និងនិពន្ធទំនុកភ្លេងដោយ HELIUM ។ បទនេះមានចង្វាក់ភ្លេង និងអត្ថន័យប្លែកពីបទសព្វមួយដងរបស់លោក ដោយរៀបរាប់ពីសង្គមរស់នៅរបស់មនុស្សបច្ចុប្បន្ន ដែលចង់ដាស់តឿនឲ្យគ្រប់គ្នាប្រឹងរស់ដោយខ្លួនឯង កុំគិតថាវាមិនអាចទេ៕
